Kóshege qarýmen shyqqan almatylyq 7 jylǵa qamalýy múmkin
ALMATY. QazAqparat – Almatydaǵy «Daraboz» yqsham aýdanynda qarý asynyp, kóshege shyqqan er adam sottalýy múmkin. Bul týraly Alataý aýdanynyń prokýrory málim etti, dep habarlaıdy QazAqparat tilshisi.
Vedomstvo ókiliniń aıtýynsha, er adamnyń áreketi QR QK-niń 293-baby 3-bóligi 2-tarmaǵy boıynsha saralandy.
«Kúdikti 3-7 jylǵa deıin bas bostandyǵynan aıyrylýy múmkin. Qylmystyq is qozǵaldy. Іs buzaqylyq baby boıynsha tergelip jatyr. Ustalǵan azamattyń qarýy tárkilenip, zattaı aıǵaq retinde tanyldy. Qazir ol saqtaý kamerasyna tapsyryldy», - dedi Almaty qalasy Alataý aýdanynyń prokýrory Іzbasar Masaqbaev.
Buǵan deıin Almatyda turǵyn úıler arasynda qarýmen júrgen er adamnyń ustalǵany týraly jazǵan bolatynbyz.
