Kóshedegi velokortej: Petropavldyq jup úılený toıyn erekshe atap ótti

PETROPAVL. QazAqparat – Petropavlda jas jubaılar dástúrli avtokortejden bas tartyp, úılený toıyn dostarymen birge velosıped teýip, tabıǵat aıasynda atap ótti, dep habarlaıdy QazAqparat tilshisi.

Erekshe úılený toıynan vıdeokadrlar áleýmettik jelide paıda bolyp, kópshiliktiń qyzyǵýshylyǵyn týdyrdy. Velosıpedterin túrli-tústi sharmen bezendirip alǵan bir top adam qalyńdyq pen kúıeý jigittiń artynan erip, Petropavldyń ortalyq saıabaǵymen, kóshelerimen júrip ótti.

Lıýdmıla men ıÝrıı 2021 jyly áleýmettik jelide, velosıped tebýshilerdiń basyn qosqan topta tanysqan eken. Keıin tanystyqtary mahabbatqa ulasyp, bıyl shańyraq qurýǵa bel baılaǵan. Al saltanatty is-sharany erekshe atap ótpek bolady.

Nátıjesinde jastardyń úılený toıy Petropavl mańyndaǵy «Voronıı ostrov» dep atalatyn jerde, tabıǵat aıasynda uıymdastyryldy.

«Merekelik is-shara jastardyń ómir saltyna saı ótti. Ekeýi de velosportty jaqsy kóredi. Sondyqtan jas jupqa arnalǵan arka gúlmen, velosıpedtermen bezendirildi. Olardyń qýanyshymen bólisýge dostary, týystary, ekeýin tabystyrǵan áleýmettik jelidegi topqa múshe velosportshylar keldi. Toıda mýzyka da, bı de, túrli baıqaýlar da boldy. Bul erekshe úılený toıy kóptiń esinde uzaqqa saqtalary anyq», - dep jazdy jańalyqpen bólisken jergilikti pablıkterdiń biri.