Kóshedegi saýda úshin jer telimderin berýdi maquldaý merzimi qysqartyla ma

ASTANA. QazAqparat – «Astana» áleýmettik-kásipkerlik korparatsııasy kóshe saýdasy úshin kásipkerlerge jer telimderin berýdi maquldaý merzimderin qysqartýdy usyndy, dep habarlaıdy QazAqparat tilshisi.

«Jer telimderin jalǵa berý protsesi óte kúrdeli. Jer ýchaskesin alý úshin ótinish bildirgen adam 15 kezeńnen ótýi kerek. Oǵan 4,5-6 aıǵa deıin ýaqyt ketedi. Qujattardy qabyldaý, olardy biryńǵaı bazadan tekserý, qaıta túzetý sııaqty kezeńderdiń ár qaısysyna 15 kún ketedi. Osylaısha, «1000 oryn – kóshe saýdasy» baǵdarlamasy arqyly jer telimin jalǵa alýǵa 187 kún qajet. Sondyqtan, bul kezeńderdi jeńildetip, jer telimin berýdi maquldaý merzimin qysqartýdy qarastyrýdy suraımyz», - dedi Erkeǵalı Álimqulov.

Onyń málimdeýinshe, taǵy bir másele – kásipkerlerdiń jer ýchaskelerin óz betinshe tańdaýy. Kásipker ýchaskeni tańdaıdy, qujattardy tapsyrady. Biraq, nátıjesinde ol tańdaǵan aımaqta bos orynnyń joq ekeni anytalady. Osyǵan baılanysty áleýmettik-kásipkerlik korparatsııasy sáýlet basqarmasy jáne aýdan ákimdikterimen birlesip, qandaı ýchaskelerdi jalǵa alýǵa bolatyndyǵy týraly aldyn ala habarlanýy úshin usynys engizbek.

Eske salaıyq, buǵan deıin «1000 oryn – kóshe saýdasy» baǵdarlamasy arqyly kásipkerlerge jer telimderin jalǵa berý nátıjesinde 534,4 mln teńge tabys túskenin habarlap edik.