Kóshedegi asfalt qarmen birge erip jatqandaı – Jeńis Qasymbek

ASTANA. QazAqparat – Astana ákimi Jeńis Qasymbek Facebook paraqshasynda qala kóshelerine asfalt sapasyz tóselgenin synap, jazba qaldyrdy , dep habarlaıdy QazAqparat tilshisi.

«Kóktem mezgiliniń bastalýymen keıbir kóshelerde asfalt qarmen birge aǵyp ketkendeı áser qaldyrady. Joldardyń bári derlik sapaly salynbaǵan. Turǵyndar tarapynan da shaǵymdar túsip jatyr. Jaýapty basqarma jol qyzmetkerlerimen birlese jóndeýden ótetin joldar men kóshelerdiń sapasyn ári uzaqqa shydamdylyǵyn qamtamasyz etýi kerek», - dep jazdy ákim.

Sondaı-aq, bıyl jóndeletin kóshelerdiń tizimin ol halyqtyń ótinishi negizinde jańartatytyn atap ótti.

«Ótinishterdi eskere otyryp, kósheler tizimin jańartý qajet. Eń aldymen, qozǵalysy qarqyndy, jańa áleýmettik nysandary (kirme joldar) bar oryndardy jóndeý qajet. Sol sııaqty eldi mekenderde buryn múldem asfalttalmaǵan kósheler de bar. Al jańadan salynyp jatqan aýdandarda ınjenerlik ınfraqurylymy men úılerdiń qurylysy bitkennen keıin ǵana joldary salynady. Oǵan deıin ýaqytsha tósemmen qamtamasyz etý qajet.

Jol jumysynyń maýsymy qysqa. Sol sebepti ýaqyt ta tyǵyz. Biz sapasyz oryndalǵan jumystardy qabyldamaımyz», - dedi Jeńis Qasymbek.