Kóshede tóbelesken elordalyq kólik júrgizýshileri bes táýlikke qamaldy
ASTANA. KAZINFORM – Áleýmettik jelide eki kólik júrgizýshiniń jol boıynda tóbelesken vıdeosy tarady.
Qalalyq Polıtsııa departamentiniń habarlaýynsha, tártip saqshylary jeliden eki er adamnyń Turan dańǵylynda qoǵamdyq tártipti óreskel buzyp, jolaýshylarǵa qaýip tóndirgen beınejazbany tapty.
— Astana qalasynyń mamandandyrylǵan aýdanaralyq ákimshilik sotynyń sheshimimen usaq buzaqylyq jasaǵan eki quqyq buzýshy 5 táýlikke ákimshilik qamaqqa alyndy. Polıtsııa departamenti jol janjal shyǵaratyn oryn emes ekenin eskertedi. Qoǵamdyq tártipke qarsy barlyq áreket jaýapkershilik qarastyrylǵan, — delingen habarlamada.
Birneshe kún buryn elordada eki jasóspirimniń tóbeleskeni týraly jazǵan edik. Áleýmettik jelide eki balanyń tóbelesiniń vıdeosy tarady. Kámeletke tolmaǵandardyń janjalyn polıtsııa qarap jatyr.