Kóshede tanysqan: Astanada kelinshek er adamdy tonap ketti
NUR-SULTAN. QazAqparat – Elorda dámhanalarynyń birinde kelinshek jańa tanysyn tonap ketken, dep habarlaıdy QazAqparat tilshisi.
«Elordadaǵy dámhanalardyń birinde urlyq jasaǵan kúdikti 36 jastaǵy áıel ustaldy. Ol kóshede er adammen tanysyp, kúdikti onymen birge dámhanaǵa kirgen. Іshimdik ishý barysynda kúdiktiń jańa tanysy ústel basynda uıyqtap qalǵan. Osy sátti paıdalanǵan áıel quny 50 myń teńge bolatyn onyń uıaly telefonyn urlap, belgisiz baǵytqa boı tasalaǵan», - delingen Nur-Sultan qalalyq Polıtsııa departamenti taratqan aqparatta.
Vedomstvo málimetinshe, kúdikti kinásin moıyndap, zattaı aıǵaq tárkilendi. Polıtsııa qyzmetkerleri kúdiktiniń elorda aýmaǵynda jasalǵan dál osyndaı qylmystarǵa qatysyn tekserip jatyr. Sotqa deıingi tergeý amaldary qolǵa alynǵan.
