Kóshede otqa oranǵan er adamdy ajaldan aman alyp qaldy
ASTANA. QazAqparat - Ǵalamtorda Vladıvostoktaǵy ashanalardyń birinen otqa oranǵan er adamnyń dalaǵa shyqqany beınelengen beınerolık paıda boldy.
Oqys oqıǵa osy ashana mańynda turǵan kólikterdiń biriniń vıdeoregıstratorynyń kamerasyna ilikti.
Onda beline deıin jalyn sharpyǵan er adam shaýrma jáne shyǵys elderiniń ózge de as túrlerin satatyn dúkennen shyqqan. Denesin sharpyǵan jalynǵa qarsy turar dármeni joq álgi jan jerge qulady. Birneshe mınýttan soń oǵan taǵy bir adam júgirip kelip otty sýmen óshire bastady.
Japa shekkendi jedel járdem qyzmetkerleri alyp ketti. Onyń jaǵdaıy jóninde aqparat joq.
