Kóshede ne úshin maska taǵý kerek – Aıjan Esmaǵambetovanyń jaýaby
NUR-SULTAN. QazAqparat – QR Bas memlekettik sanıtar dárigeri Aıjan Esmaǵambetova taza aýada da maska taǵyp júrýge keńes berdi, dep habarlaıdy QazAqparat tilshisi.
«Jabyq ǵımaratta qorǵanys maskasyn taǵyp júrý mindetti. Al kúndelikti sandardyń jaǵdaıǵa qaraı qalyptasatynyn umytpaý kerek. Qazaqstanda tirkelgen aýrýdyń 70 paıyzy esh sımptomsyz ótken. ıAǵnı, aýrý belgileri bolmasa da, naýqastar ınfektsııa tasymaldaýshy bolǵan», - dedi bas sanıtarlyq dáriger QR Densaýlyq saqtaý mınıstrliginiń Feısbýktegi baspasóz máslıhatynda.
Onyń aıtýynsha, Dúnıejúzilik densaýlyq saqtaý uıymy ashyq aýada da maska taǵýǵa keńes beredi jáne onyń sebepterin de kórsetken.
«Adam bir mınýtta 3-4 ret betin, kózin ustaıdy jáne ony ózderi baıqamaıdy. Ony qadaǵalap júrý de múmkin emes. Bet pen kózdi kir qolmen ustaý – ınfektsııany juqtyrýdyń bir joly. Al maska aýyzdy, muryndy jaýyp turady jáne shań-tozańnan, ınfektsııadan saqtaıdy. Sol úshin kóshede de maska taǵyp júrý usynylady. Bul koronavırýs ınfektsııasyn juqtyrý qaýpin azaıtady», - dedi A. Esmaǵambetova.
Buǵan deıin bas sanıtarlyq dáriger Qazaqstan áýejaılarynda ózge elde júrgizilgen PTR testiniń nátıjesi qabyldanatynyn habarlaǵan edi.
Odan bólek, Odan bólek, A. Esmaǵambetova áýe, temir jol qozǵalysy ashylsa da, blokposttardyń nege alynbaıtynyn túsindirdi. Sonymen birge, COVID-19 naýqasymen baılanysta bolǵandar eki topqa bólinetin bolady.
