Kóshede myltyq atqan Qostanaı turǵyny ustaldy
QOSTANAI. QazAqparat – Qostanaı qalasynyń ortalyǵynda myltyqpen oq atqan er adam qolǵa tústi, dep habarlaıdy QazAqparat oblystyq sottyń baspasóz qyzmetine silteme jasap.
Oqıǵa Qostanaı qalasyndaǵy Ýralskaıa kóshesiniń boıynda bolǵan.
«Azamat Z. ańshy myltyǵynan oq atqan. Oǵan qatysty QR ákimshilik kodeksiniń 436 baby boıynsha hattama toltyryldy. Ol óziniń zańsyz áreketteri arqyly «Jekelegen qarý túrleriniń aınalymyna memlekettik baqylaý jasaý týraly» 1998 jylǵy 30 jeltoqsandaǵy QR Zańynyń 15-18 babynyń talaptaryn óreskel buzǵan. Qostanaı qalasynyń mamandandyrylǵan ákimshilik sotynyń qaýlysymen Z. ákimshilik jaýapkershilikke tartyldy», - delingen oblystyq sottyń baspasóz málimdemesinde.
Zań buzýshyǵa 20 AEK kóleminde ákimshilik aıyppul salyndy. Qaýly zańdy kúshine engen joq.
