Kóshede mas júrgen aqtóbelikke aıyppul salyndy
AQTÓBE. QazAqparat – Aqtóbede kún ótken saıyn tótenshe jaǵdaı rejımin buzǵan adam sany artyp keledi. Mas kúıinde kóshe kezgen qala turǵynyna aıyppul salyndy, dep habarlaıdy QazAqparat tilshisi.
Polıtsııa qyzmetkerleri eriktilermen birge kóshe tártibin baqylap júr. Óńirde barlyǵy tótenshe jaǵdaı rejımin buzǵan 386 derek tirkeldi. ÁQBtK-niń «TJ rejımin buzý» baby boıynsha 360 buzýshylyq tirkelip, 76 adam qamaldy. Al ÁQBtK «TJ jaǵdaıynda quqyq tártibin buzýǵa ıtermeleıtin is-áreketter» baby boıynsha 14 turǵynǵa aıyppul salynyp, 12 adam ustaldy.
«Qurmysh aýdanynda turatyn 36 jastaǵy er adamǵa ÁQBtK-niń «TJ rejımin buzý» baby boıynsha ákimshilik hattama toltyryldy. Ol saǵat 22:30-da Aqjar-2 turǵyn úı alabynda júr ári mas bolǵan. Ákimshilik sotpen er adamǵa 10 AEK (27.780 teńge) aıyppul salyndy. Azamattardyń blokposttardan zańsyz aınalyp ótý faktisi tirkelip jatyr. Barlyǵy 17 adam anyqtaldy. Qamalǵany, aıyppul tólegeni de bar», - dedi oblystyq PD baspasóz qyzmetiniń jetekshisi Erbolat Sarqulov.
