Kóshede kóp adammen maskasyz júrgender 83 myń teńge aıyppul tóleıdi
ALMATY. QazAqparat – Almatyda turǵyndar maskasyz júrgen jaǵdaıda 83 myń teńge aıyppul salynady. Qalanyń bas sanıtarlyq dárigeri Jandarbek Bekshın qaı jaǵdaıda aıyppul salynatynyn túsindirdi, dep habarlaıdy QazAqparat tilshisi.
«Bizdiń baıqaýymyzsha, kóp adam maskasyz júredi. Kóshede de maska taǵý shart. Sebebi, ınfektsııa aýa tamshylary jolmen de juǵady. Monıtorıng toby kóshede kóp adamnyń ortasynda maskasyz júrgen adamdy kórse aıyppul salýy múmkin», - dedi Bekshın.
«Aıyppul 83 myń teńge. Eger adam 1 aptanyń ishinde tólegen bolsa, 41 myń teńge tóleıdi. Bul bizdiń kóptegen eskertýimizden keıingi qolǵa alynatyn shara. Barlyq bılbord, qoǵamdyq kólikterde eskertý jasalǵan», - dedi ol.
