Kóshede kóliktegi mýzykany qatty oınatý qanshalyqty zańdy
Bul suraqqa ІІM Ákimshilik polıtsııa komıteti tóraǵasynyń orynbasary Jandos Muratálıev jaýap berdi.
Onyń aıtýynsha, ereje boıynsha keıbir jol qozǵalysyna qatysýshylardyń jeke quqyqtary basqa qatysýshylardyń quqyqtaryn buzbaýǵa tıis.
«ıAǵnı, jol qozǵalysyna qatysýshylardyń bári ózara syılasyp, qozǵalysqa qaýipsiz jaǵdaı jasaýǵa, basqa qatysýshylarǵa kedergi jasamaýǵa mindetti. Mundaı faktiler anyqtalǵan jaǵdaıda azamattarǵa shekten tys áreketterdi sýret pen vıdeoǵa túsirýdi usynamyn. Sodan keıin Ákimshilik polıtsııa komıtetine habarlaýǵa nemese «102» nómirine habarlasýǵa bolady», - dep túsindirdi Ákimshilik polıtsııa komıteti tóraǵasynyń orynbasary.
Atalmysh sharada ІІM resmı ókili Nurdildá Oraz «Quryq» teńiz portynan ótýshilerge jalǵan PTR-test anyqtamasyn satqan feldsher ustalǵanyn habarlaǵan bolatyn. https://kaz.inform.kz/news/kuryk-teniz-portynan-otushilerge-zhalgan-ptr-test-anyktamasyn-satkan-fel-dsher-ustaldy_a3824382
«Turǵylyqty jeri boıynsha tergeý áreketterin júrgizý kezinde kúdiktiden satýǵa daıyn 48 jalǵan PTR-test, noýtbýk, prınter jáne tıisti qujattar daıyndaýǵa qajet basqa da tehnıkasy tárkilendi. Atalǵan fakti boıynsha sotqa deıingi tergeý bastaldy. Onyń barysynda tergeý kúdiktilerdiń qylmystyq is-áreketiniń naqty aýqymy jáne memlekettik shekaradan zańsyz ótken adamdardyń sany anyqtalyp jatyr. Іshki ister mınıstrligi jalǵan qujat jasaǵany úshin 4 jylǵa deıin bas bostandyǵynan aıyrý túrindegi qylmystyq jaýapkershilik, al ony paıdalanǵany úshin 40 táýlikke deıin qamaýǵa alý kózdelgenin eske salady», - dedi Nurdildá Oraz.