Kóshede kólikpen júrýge ýaqytsha tyıym salyndy
ASTANA. QazAqparat - Rımde demalys kúni keıbir kóshelerde jol qozǵalysy shekteldi. Onda tek qoǵamdyq kólik nemese velosıped arqyly qatynaýǵa bolady, dep jazady 24.kz.
Buǵan ótken jyldyń jeltoqsan aıynda aýaǵa zııandy qaldyqtardyń shamadan tys taraýy sebep boldy. Jaǵdaıdy nazarda ustaý maqsatynda bılik ókilderi tarıhı jáne jasyl beldeý aımaqtarynda jylyna birneshe ret jol qozǵalysyn shekteý týraly sheshim qabyldaǵan.
Kólik qozǵalysyna tańerteń jáne tús kezinde tyıym salynǵan. Erejege baǵynbaǵandarǵa 100 eýro kóleminde salyq salynady. Mundaı qadamǵa bılik byltyrǵydaı aýanyń shamadan tys lastanýyna jol bermeý úshin baryp otyr.
Qalada 2 mıllıonnan astam avtokólik, taǵy 100 myń mototsıkl bar. ıAǵnı 1000 turǵynnyń jan basyna shaqqanda 1040 kólikten keledi. Bul Eýropanyń basqa qalalarymen salystyrǵanda óte kóp.
Máselen Parıjdiń 1000 turǵynyna 415 kólikten tıse, Londonnyń árbir úshinshi azamaty jekemenshik kólikpen qatynaıdy.
Kóp kútpesten shara óz nátıjesin berdi. Qoǵamdyq kólik toqtaýsyz júrip turǵanyna qaramastan, aýanyń lastanýy ádettegiden tómen deıdi, - mamandar.
Degenmen, másele munymen bitpeıdi. Tozyǵy jetken jekemenshik jáne qoǵamdyq kólikter aýaǵa zııandy qaldyqtardy kóbirek shyǵarady. Sonyń saldarynan halyq tyǵyz ornalasqan Rım men Mılan syndy qalalardyń ekologııasy lastanyp otyr.
