Kóshede kólik jýǵan óskemendik saqshylardyń ústinen qyzmettik tekseris júrgiziledi
NUR-SULTAN. QazAqparat - ShQO polıtsııa departamenti óz qyzmetkerleri týraly áleýmettik jelige taraǵan vıdeo boıynsha qyzmettik tekseris júrgizetin boldy, dep habarlaıdy QazAqparat tilshisi.
Óskemendik turǵyn Ertis jaǵalaýyndaǵy saıajoldyń ústinde qyzmettik kólikterin jýǵan polıtsııa qyzmetkerleri týraly vıdeo taratqan bolatyn. Vıdeoda jeli qoldanýshysy saqshylardyń ózen jaǵasynda kólik jýyp jatqanyn aıtyp, ishki ister ókilderinen bul áreketteriniń qanshalyqty zańdy ekenin suraıdy.
Oblystyq polıtsııa departamenti atalmysh oqıǵa boıynsha qyzmettik tekserý júrgizbek.
«Oqıǵanyń mán-jaıy jan-jaqty anyqtalyp jatyr. Jelige taraǵan vıdeo boıynsha qyzmettik tekseris taǵaıyndaldy. Polıtsııa ókilderiniń áreketi qanshalyqty zańǵa qaıshy ekeni sol tekseris nátıjesinde belgili bolady», - deıdi departamenttiń baspasóz qyzmetiniń mamany Azamat Raısov.
