Kóshede eki adamdy pyshaqtaǵan Tekeli turǵyny sot zalynan bosatyldy
TALDYQORǴAN. QazAqparat - Almaty oblysynda kóshede ketip bara jatqan belgisiz eki adamǵa pyshaq jaraqattaryn salǵan aıyptalýshyǵa sot úkimi shyqty. Tekeli qalasynyń turǵyny 3 jyl 6 aıǵa shartty túrde kesilip, sot zalynan bosatyldy, dep habarlaıdy QazAqparat tilshisi.
Saraptama qorytyndysy zardap shekkender jeńil dene jaraqatyn alǵanyn kórsetken. Al kúdikti kóp uzamaı qolǵa túsip, ýaqytsha ustaý ızolıatoryna qamalǵan.
"Tergeý QR QK 293-baby 3-bóligi 2-tarmaǵy boıynsha júrgizildi. Sottalýshynyń óz isine ókinetinin, onyń buǵan deıin sottalmaǵanyn jáne jábirlenýshi taraptan ótinishtiń túsýin esepke ala otyryp, qalalyq sot oǵan shartty jaza kesti", - dep málim etti polıtsııadan.
Úkim oqylǵannan keıin 23 jastaǵy azamat sot zalynan bosatyldy. Sottalýshy 3 jyl 6 aıǵa bas bostandyǵynan shekteldi. Sondaı-aq ol jylda 240 saǵattyq jumysqa tartylatyn boldy.
