Kóshede dáret syndyrǵan Astana turǵyny tutqyndaldy
ASTANA. QazAqparat - Astanada 30 jasar buzaqy kóshede dáret syndyramyn dep, 1 táýlikke tutqynǵa alyndy, dep habarlady elordalyq ІІD Ákimshilik polıtsııa basqarmasynan.
«21 tamyzda saǵat 13.20-da Astana q. ІІD JPB jol-patrýldik polıtsııasy polkiniń qyzmetkerleri Esenberlın kóshesi boıynsha torýyl kezinde kóshede dáret syndyryp turǵan jas jigitti qolǵa túsirdi», - delingen habarlamada.
Buzaqy 30 jasar elorda turǵyny, ol kinásin birden moıyndady. Ustalǵan azamatqa qatysty «Ákimshilik quqyq buzýshylyqtar týraly» Qazaqstan Respýblıkasy Kodeksiniń 330-baby (Usaq buzaqylyq) boıynsha ákimshilik materıal toltyryldy.
Kelesi kúni Astana q. mamandandyrylǵan aýdanaralyq sotynyń qaýlysymen jas jigit 1 táýlik merzimge ákimshilik tutqyn túrinde jazaǵa tartyldy. Ol jazasyn Astana q. ІІD ákimshilik tutqyndalǵandarǵa arnalǵan arnaıy qabyldaǵyshta óteıdi.
Astana q. ІІD JPB derekterine súıensek, búginde usaq buzaqylyqqa qatysty sotta 3,5 myń materıal qaraldy, onyń ishinde 500-ge tarta adam tutqyndaldy, taǵy 3 myńy 3-ten 10 AEK kóleminde jalpy somasy 9,5 mln. teńge mólsherinde ákimshilik aıyppul tóledi.
