Kóshede aıý júr: Rıdderde jedel top aıýlardy úrkitip, eldi meken mańynan alshaqtatty
ÓSKEMEN. KAZINFORM – Shyǵys Qazaqstan oblysy Rıdder qalasynda kún jyly bolýyna baılanysty aıýlar áli uıqyǵa ketpegen.
Bıylǵy kóktem, jaz mezgilderinde Rıdder jurtshylyǵy aıý kórgenderin aıtyp, quzyrly organdarǵa jıi habarlasqan bolatyn. Kúz kezinde de túz taǵysy kóshege kirip ketken vıdeolar jelide tarady.
Soǵan baılanysty Orman jáne ańshylyq jedel áreket etý jasaǵynyń ınspektorlary reıdke jıi shyǵyp keledi.
- Jedel top reıdterdi áli de jalǵastyryp jatyr. Sebebi kún jylynýyna baılanysty aıýlar uıqyǵa ketpegen. Qalada qazir jaǵdaı tynysh, aıýlarǵa qatysty eshqandaı shaǵym joq.
Inspektorlar aspanǵa oq atý arqyly aıýlardy úrkitip, eldi meken mańynan alshaqtatty, - deıdi jedel áreket etý jasaǵynyń bastyǵy Ermek Baǵlan.
Eske salsaq, osyǵan deıin ShQO men Abaı oblysynda turǵyndar ashyqqan aıýlardan úreılenip otyrǵany habarlanǵan.