Kóshe jabylady: Almatyda 4 avtobýs baǵyty ózgerdi

ALMATY. KAZINFORM – Almatyda Bekeshev kóshesi ýaqytsha jabylady.

Almaty ákimdiginiń málimetinshe, jol-qurylys jumystarynyń júrgizilýine baılanysty Jandosov kóshesinen Beljaılaý kóshesine deıingi Bekeshev kóshesiniń bir bóligi osy jyldyń 22-31 qazany aralyǵynda ýaqytsha jabylady.

Jol ınfraqurylymyn damytý basqarmasynyń tapsyrysymen «Alons» JShS merdiger uıymy Jandosov kóshesinen Ábdildın kóshesine deıingi 2 km jol ýchaskesinde ortasha jóndeý jumystaryn bastaıdy.

Naýryzbaı aýdany ákiminiń apparatynyń tapsyrysy boıynsha «Úsh Saı» JShS merdiger uıymy Beljaılaý kóshesinen Ábdihalyqov kóshesine deıingi ýchaskede sýmen jabdyqtaý jelilerin júrgizý jumystaryn bastaıdy.

Avtobýs marshrýttarynyń qozǵalys syzbasyndaǵy ýaqytsha ózgerister:

№ 14 marshrýt. Ońtústik baǵytta: Abaı dańǵyly — Medeýbekov kóshesi — Tólebekov kóshesi — Jandosov kóshesi — Dáýletkereı kóshesi — Baısultanov kóshesi — Aıtmatov kóshesi — Rysqulov kóshesi — ári qaraı óz syzbasy boıynsha;

Keri baǵytta: Qonaev kóshesi — Áshimov kóshesi — Aıtmatov kóshesi — Er Tóstik kóshesi — Dáýletkereı kóshesi — Jandosov kóshesi — Tólebekov kóshesi — Medeýbekov kóshesi — Abaı dańǵyly — ári qaraı óz syzbasy boıynsha.

№ 26 marshrýt. Ońtústik baǵytta: Abaı dańǵyly — Medeýbekov kóshesi — Tólebekov kóshesi — Jandosov kóshesi — ári qaraı óz syzbasy boıynsha;

Keri baǵytta: Jandosov kóshesi — Tólebekov kóshesi — Medeýbekov kóshesi — Abaı dańǵyly — ári qaraı óz syzbasy boıynsha.

№ 44 marshrýt. Ońtústik baǵytta: Abaı dańǵyly — Medeýbekov kóshesi — Tólebekov kóshesi — Jandosov kóshesi — ári qaraı óz syzbasy boıynsha;

Keri baǵytta: Jandosov kóshesi — Tólebekov kóshesi — Medeýbekov kóshesi — Abaı dańǵyly — ári qaraı óz syzbasy boıynsha.

№ 49 marshrýt. Ońtústik baǵytta: Medeýbekov kóshesi — Tólebekov kóshesi — sońǵy aıaldama «Karernaıa kóshesi»;

Keri baǵytta: bastapqy núkte — sońǵy aıaldama «Karernaıa kóshesi» — Tólebekov kóshesi — Medeýbekov kóshesi — ári qaraı óz syzbasy boıynsha.

— «Aqjar» shaǵyn aýdanynyń turǵyndarynan túsinistik tanytýdy suraımyz. Barlyq jumys aýdannyń kólik jáne ınjenerlik ınfraqurylymyn jaqsartý maqsatynda júrgizilip jatyr, - dep habarlady ákimdikten.

Eske salaıyq, Almatyda káriz jelilerin durys júrgizbegen kompanııa lıtsenzııasynan aıyryldy.