Kóshe alaıaqtary qalaı áreket etedi
ALMATY. QazAqparat - Almaty qalalyq polıtsııa departamenti kóshe alaıaqtary qalaı áreket etetinin aıtyp berdi, dep habarlaıdy QazAqparat.
«Kóshe alaıaqtary búginde zamanǵa ábden beıimdelgen. Olardyń basty aıyrmashylyǵy - kúshpen emes, psıhologııalyq áser etý arqyly aqsha tabatyny. Olar ózderine aldanatyn adamdardy qaptaǵan jurttyń arasynan ońaı tabady. Olardyń basty mindeti - adamdy bekitip alý. Bul úshin kóshe alaıaqtary jıi «túzetý qaǵıdaty» dep atalatyn ádisti paıdalanady: gıpnoz, sóıleý qarqyny, bet-álpeti, ymdaýdy kóshirmeleıdi», - deıdi Almaty qalalyq polıtsııa departamentiniń baspasóz qyzmeti.
Kóshedegi alaıaqtarǵa ádette, jasy kelgen qartań kisiler jıi aldanady. Alaıaqtar kóbinese óz qurbandaryn dúkende, bazarda, bankterde, qolma-qol aqsha alǵan klıentterdiń arasynan izdeıdi.
Olarǵa aldanbas úshin ne isteý kerek?
- sizge kez kelgen ónimdi nemese múlikti ótkizýge tyrysqan bóten adamdarǵa senim artýǵa bolmaıdy
- alaıaqtar áńgime aıtqanda, óziniń basynan ótkendeı etip maıyn tamyzyp aıtady, sóıtip adamdardyń aıanyshyn týǵyzady
- memlekettik organdardyń (ákimdikter, medıtsınalyq mekemeler) qyzmetkeri bolyp tanysyp, jábirlenýshilerdiń páterine kirýge tyrysady. Kóbinese olar jasy úlken kisilerdi, kámeletke tolmaǵandar balalardy aldaıdy
- kóripkelderge senbeńizder (negizinen syǵan azamattaryna).
