«Kóshbasshy joly. Astana» kınoepopeıasynyń sońǵy túsirilimi júrip jatyr
«Keshe Astanada fılmniń basty keıipkerlerimen, Anglııadan kelgen grımshiler jáne basqa da túsirilimniń alǵash kúninen bastap birge eńbektengen mamandarmen sońǵy túsirilim sáti boldy. Baıqaǵanym, túsirilim aıaqtalatyn kún taqap, qanshama ýaqyt birge jumys istegen adamdarmen qoshtasý sáti jaqyndaǵan saıyn qımastyq sezimi kúsheıe túsedi, sebebi ol adamdarmen aılap, ystyq pen sýyqqa qaramastan túsirilim alańynda birge júrip, birge eńbektenip, fılm túsirdik», - dep jazdy fılm rejısseri Aqan Sataev Feısbýktegi paraqshasynda.
Jazba sońynda rejısser túsirilim jobasyna qatysyp, jumysyn aıaqtaǵan barlyq jandarǵa alǵysyn bildirip «kelesi túsirilim alańynda kezdeskenshe» dedi.
Aıta keteıik, buǵan deıin «Kóshbasshy joly» kınoepopeıasynyń 5 bólimi qazaqstandyqtardyń nazaryna usynylǵan bolatyn. Al «Kóshbasshy joly. Astana» kınotýyndysy osy jyldyń sońynda jaryqqa shyǵady dep josparlanýda