Kóshbasshy jastar «Tsıfrlyq Qazaqstan» baǵdarlamasynyń basymdyqtarymen tanysty

KÓKShETAÝ. QazAqparat - Elimizdiń kóshbasshy jastary «Tsıfrlyq Qazaqstan» baǵdarlamasynyń basym baǵyttarymen tanysty, dep habarlaıdy QazAqparat tilshisi.

Aqmola oblysyndaǵy «Zeren» respýblıkalyq jastar bilim lageriniń «Digital-urpaq» atty birinshi aýysymynyń jumysy jalǵasýda.

Búgin birneshe baǵyt boıynsha trenıngter ótkizildi. Onyń ishinde elimizdiń ár óńirinen kelgen kóshbasshy jastar Qazaqstan damýynyń zamanaýı trendterimen tanysty.

      «Men Astana Hub-ta birinshi kezekte damytylyp jatqan startap jobasyn alyp júrýshimin. Joba jetekshilerine ónimdi keskindeý jáne damytý boıynsha dittegen maqsattaryna jetýine, tıimdi nátıje alý úshin olardyń jumystaryn baǵyttaý jáne úılestirýine kómektesemin. Bul bilim berý lageri qatysýshylarǵa «Zerde» holdıngi arqyly júzege asyrylyp jatqan «Tsıfrlyq Qazaqstan» membaǵdarlamasynyń negizgi basym baǵyttarymen jáne Qazaqstan damýynyń qazirgi zamanǵy trendterimen tanysýǵa múmkindik beredi», dep atap ótti «CRM Expert» kompanııasynyń basshysy Asqar Tútikov.

Onyń sózinshe, trenıng kezinde jastar tsıfrlandyrý qatysýshysy retinde jáne óziniń talantyn damytý jóninde aqparat alatyn bolady.

Eske sala keteıik, keshe Aqmola oblysynyń «Zeren» saýyqtyrý ortalyǵynyń bazasynda «Zeren» respýblıkalyq jastar bilim lageriniń «Digital-urpaq» atty birinshi aýysymy resmı túrde ashylǵan bolatyn. Oǵan elimizdiń ár óńirinen kelgen jastar uıymdarynyń kóshbasshylary, jas kásipkerler, «Qazaqstannyń 100 jańa esimi» jobasynyń qatysýshylary quralǵan 300 jas qatysýda. Lager 12-26 tamyz aralyǵynda 3 taqyryptyq aýysymda ótkiziledi.