Qoshanov Temirtaý JEO-syndaǵy apattyń qaıtalanbaýyn qadaǵalaýdy eskertti

QARAǴANDY. QazAqparat - Temirtaýdaǵy JEO-da jylytý maýsymynyń 176 kúniniń 105-inde qazandyqtardyń apattyq toqtaýy oryn alǵan, dep habarlaıdy «QazAqparat» HAA tilshisi.

Qaraǵandy oblysynyń ákimi Erlan Qoshanov osy qysta «apat bolǵan» Temirtaýdaǵy JEO-2-ge bardy.

Óńirlik ákimdiktiń baspasóz qyzmetinen habarlaǵandaı, «ArselorMıttal Temirtaý» AQ óndiristik dırektory Vadım Basın ákimge JEO-daǵy jaǵdaı týraly málimdedi.

«Qazandyq jabdyqtary jaı jóndeýdi emes, keshendi jańartýdy qajet etedi, - dep habarlady Vadım Basın, 2017 jyly júrgiziletin jóndeý jumystary baǵdarlamasynyń bekitilgenin qosa otyryp».

Oblys ákimi stansaǵa qaraıtyn "ArselorMıttal Temirtaý" kompanııasyn aldaǵy jylytý maýsymynda apattyq jaǵdaılarǵa jol bermeýge shaqyrdy.

Kelesi jylytý maýsymyna daıyndyq úshin 2 mlrd 100 mln teńge qarastyrylǵan. Úsh qazandyq pen bir týrbogeneratordy jóndeý kózdelýde.