Kóshi-qon aǵynyn esepke alýdyń biryńǵaı tsıfrlyq júıesi engiziledi

ASTANA. KAZINFORM – «Keleshek mektepteri» ulttyq jobasy aıasynda josparlanǵan mektepter jyl sońyna deıin paıdalanýǵa beriledi. Bul týraly Úkimet otyrysynda Premer-mınıstrdiń orynbasary – Ulttyq ekonomıka mınıstri Serik Jumanǵarın aıtty.

Serik Jumanǵarınnyń aıtýynsha, Prezıdent Joldaýyn iske asyrý is-sharalar josparynyń áleýmettik blogynda bilim berý, densaýlyq saqtaý jáne sporttyń qoljetimdiligi men sapasyn arttyrý boıynsha is-sharalar qabyldanady.

«Keleshek mektepteri» ulttyq jobasy aıasynda osy jyldyń sońyna deıin barlyq josparlanǵan mektepterdi paıdalanýǵa berý qamtamasyz etiledi.

- Budan basqa 115 alǵashqy medıtsınalyq-sanıtarııalyq kómek kórsetý nysany salynyp, 2 perınataldyq ortalyqtyń qurylysy bastalady. El ishindegi jáne shetelden keletin Kóshi-qon aǵyndaryn esepke alýdyń biryńǵaı tsıfrlyq júıesi engiziledi. Áleýmettik salada «aqsha azamattarǵa» qaǵıdaty engizilip, eldiń barlyq oblystarynda osal sanattaǵy azamattar úshin áleýmettik tólemderdiń mólsheri ýnıfıkatsııalanady. «Qaryzsyz qoǵam» jobasyn iske asyrý jalǵasady, - dedi vıtse-premer.