Qosh bolyńdar, baýyrlarym: Dımash Kaspııdegi sarbazdardyń qazasyna baılanysty kóńil aıtty

— Bizdiń Aqtaýda kóz jumǵan 18-19 jasar inilerimdi qımaı júregim aýyryp, aıtýǵa sóz taba almaı otyrmyn. Balalyq kezeńnen endi ǵana shyǵyp kele jatqan kezde jap-jas ǵumyrlardyń osylaısha úzilip ketkeni… Qaza bolǵan baýyrlarymyzdyń ata-anasyna, týǵan-týystaryna, jaqyndaryna shyn júrekten kóńil aıtamyn. Alla júrekterińizge sabyr, ózderińizge kúsh bersin. Іnilerimniń jatqan jeri jaıly, topyraǵy torqa bolsyn. Jandary jánnatta bolsyn. E Alla,qudireti kúshti Alla,inilerimdi aldynan jarylqaǵaısyń. Eshbir ata-ana balasynyń artynda qalmasyn… Elimizde mundaı qasiret endi qaıtalanbasyn. Qosh bolyńdar, baýyrlarym, — dep jazdy ol. 

Eske salaıyq, 2026 jylǵy 24 qyrkúıekte Kaspııdegi áskerı oqý-jattyǵý kezinde 9 áskerı qyzmetshi qaza tapqanyn habarlaǵanbyz. Úsh áskerı qyzmetshi qutqaryldy. Olardyń bireýi aýrýhanaǵa jatqyzyldy.

Keıinnen Kaspııde qaza bolǵan áskerı qyzmetshilerdiń sany 12-ge jetip, ekeýi izdestirilip jatqany habarlandy.

Qorǵanys mınıstrligi oqý-jattyǵý kezinde qaza tapqan áskerı qyzmetshilerdiń tizimin jarııalady.

Áskerı qyzmetshilerdiń qaza bolý faktisi boıynsha qylmystyq is qozǵalyp, tergelip jatqanyn jazdyq.

Sonymen qatar, Prezıdent Qasym-Jomart Toqaev Mańǵystaý oblysynda áskerı oqý-jattyǵý kezindegi qaıǵyly oqıǵa saldarynan qaza tapqan áskerı qyzmetshilerdiń týǵan-týystaryna kóńil aıtty.

Áskerılerdiń qazasynan keıin Aqtaýda úsh kúnge josparlanǵan merekelik sharalar ótpeıtini aıtyldy.

Búgin Kaspııde eki áskerı qyzmetshini izdeý operatsııasyna júzdegen adam jumyldyrylǵany habarlandy.

Sonymen qatar áskerı qyzmetshilerdiń qaýipsizdigine jaýapty tulǵalar kúdikke ilingeni týraly jazǵan edik.

Aıta ketelik Kaspııdegi tótenshe jaǵdaıdan keıin qutqarylǵan áskerı qyzmetshi esin jıǵan edi.

Búgin Kaspıı teńizinde joǵalǵan eki áskerı qyzmetshiniń denesi tabylyp, izdestirý operatsııasy aıaqtalǵan edi.

Sonymen qatyr Kaspııdegi áskerı qyzmetshilerdiń qazasyna baılanysty qylmystyq is eki bap boıynsha tergelip jatyr.

Qyzmetine salǵyrt qaraǵan Qorǵanys mınıstrligi júıesinen bes laýazymdy tulǵa ustaldy.