Qosh bol, Sapporo! Azıada oıyndarynyń saltanatty jabylý rásimi ótti

SAPPORO. QazAqparat - Búgin Japonııanyń Sapporo qalasynda ótip jatqan VІІІ qysqy Azıada oıyndary óz máresine jetip, resmı túrde jabylý rásimi ótti dep habarlaıdy Sapporodaǵy QazAqparat tilshisi.

Jalpy qazaqstandyqtar úshin Azıada oıyndary sátti aıaqtaldy. Qorjynymyzǵa jalpy 32 medal tústi. Onyń 9-y altyn,  11-i kúmis, 12-si qola medal.

Jalpy komandalyq esepte Japonııa, Ońtústik Koreıa jáne Qytaıdan keıin tórtinshi orynda jaıǵastyq.

 

Búgin Azıadada óner kórsetken sportshylarymyz Sapporodan elge attanady.

Esterińizge sala keteıik, jalpy esepte birinshi oryndy Azıada oıyndaryn uıymdastyrǵan Japonııa eliniń ókilderi jeńip aldy. Olardyń enshisinde 74 medal (27 altyn 21 kúmis, 26 qola) bar. Ekinshi oryndy Ońtústik Koreıa sportshylary qanjyǵasyna baılady. Olardyń qorjynynda 50 medal (16 altyn, 18 kúmis, 16 qola) bar.

Al úzdik úshtikten kóringen Qytaı eliniń qorjynynda jalpy 33 medal (12 altyn, 14 kúmis, 9 qola) bar. Al medal alǵan elder arasynda Japonııa, Ońtústik Koreıa, Qytaı jáne Qazaqstannan bólek bir memleket bar. Ol Soltústik Koreıa. Olardyń enshisinde jalǵyz qola medal.

 

Jalpy VIII qysqy Azıada oıyndaryna 29 memleket sportshylary 64 medaldar jıyntyǵyn sarapqa saldy.