Qosh bol, lokdaýn! Brıtanııa turǵyndary shekteýlerdiń alynǵanyn toılap jatyr
NUR-SULTAN. QazAqparat - Anglııa, Ýels jáne Shotlandııadaǵy kóptegen shekteýlerdiń alynǵany mıllıondaǵan adamdarǵa kıno, meıramhana, mýzeı, sport zaldaryna, bir-birine qonaqqa barýǵa, týystarymen jáne jaqyndarymen qushaqtasyp kórisýge múmkindik berdi.
Osyǵan deıin, dos-jarandardyń qushaqtasyp kórisýine ruqsat etilmeı kelgen edi, dep habarlaıdy QazAqparat BBC agenttigine silteme jasap.
Krıstofer Bell jetekshilik etetin Shotlandııanyń ulttyq jastar hory qazir 30 adamǵa deıin jınalýǵa bolatynyn paıdalanyp, Edınbýrgte repetıtsııaǵa jınaldy.
Londonda Ulttyq sýret galereıasy ashyldy, biraq ázirge kelýshiler kóp emes.
Al sport zaldarda adamdar áldeqaıda kóp.
Týrısterdiń joqtyǵynan «London kózi» sholý dóńgeleginde esh kezek joq.
Oıyn avtomattarynyń tabynýshysy úshin zalǵa oralý – naǵyz mereke.
Kútýge kúsh qalmaǵanda: Batys Iorkshırdegi bul qyzdar shekteýlerdi alǵanyn toılaý úshin jergilikti pabqa keldi.
Árıne, kınosyz bola ma?! Ingmar Bergmannyń «Persona» fılmine jarty ǵasyrdan astam ýaqyt ótse de, ony kórgisi keletinder qashanda tabylady.
