«Qosh bol, Gúlsary!» fılmi Kısh aralynda ótken I Halyqaralyq Iran kınofestıvalinde ádilqazylar alqasynyń arnaıy júldesimen marapattaldy

dep habarlaıdy «Qazaqfılm» kınostýdııasynyń baspasóz qyzmeti.

Esterińizge sala ketsek, alǵash ret uıymdastyrylǵan kınofestıval 24 sáýirde bastalyp, keshe, 28 sáýir kúni aıaqtaldy. Baıqaýǵa Iran, Túrkııa, Sırııa, Úndistan, Tájikstan, Ázirbaıjan elderiniń fılmderi qatysty. Qazaqstan elinen «Qosh bol, Gúlsary!» fılmi baıqaýǵa qatysatyn fılmderdiń qataryna engen bolatyn.

Fılmniń rejısseri Ardaq Ámirqulov festıval aldynda: «Fılmniń jeńiske jetýi men jetpeýin aldyn-ala boljaý qıyn. Sebebi, kınofestıval degenimiz, obektıvti kórsetkishtermen baǵalanatyn sporttyq tartys emes, qaıta barlyǵy da sýbektıvti túrde, náziktik pen sheberliktiń úılesimdiligi synǵa túsedi» - degen edi.

Ol sonymen qatar: «Ár bir júlde fılmniń kórermenge jol tartýyna óz septigin tıgizedi. Júlde alǵan saıyn fılmniń kórermenderi de arta túsedi. Degenmen de, kıno áleminde júlde birinshi másele emes, eger fılm kórermenniń júregine jetip, sanasynda qalyp jatsa, osy másele mańyzdyraq bolar edi»,-dep atap ótken bolatyn.