«Kósegeni kógerter «kóktem shýaǵy» - respýblıkalyq basylymdarǵa sholý

Keshe Aqordada Memleket basshysy Nursultan Nazarbaev 8 naýryz - Halyqaralyq áıelder kúnine oraı Qazaqstan áıelder qaýymynyń bir top ókilderimen kezdesip, kóktem merekesimen quttyqtady. Osyǵan oraı «Egemen Qazaqstan» gazetinde «Kósegeni kógerter «kóktem shýaǵy» degen taqyryppen maqala jarııalandy. Jarııalanymda «Siz­dermen búgingi kezdesýdi "Kóktem shýaǵy" dep atadym. Aldaǵy ýaqyttaǵy kezdesýler osyn­daı ataýmen atalatyn bolsyn. Bizdiń ásem Astananyń tóńireginde aq qar jatyr. Keń baıtaq elimizdiń soltústiginde qar jatsa, ońtústiginde báısheshek shyǵyp, jer gúldený ústinde. Sizderdiń merekelerińiz osy­ǵan tuspa-tus keledi. Halqymyzda: "Kúl­li tirshilik, izgilik ataýly kúnniń nurymen, ananyń aq sútimen keledi", degen sóz bar. Ar­daqty ana, asyl jar, aıaýly qaryn­das­tyń ortaq meıramy - 8 naýryz shynynda da barshanyń janyna jylý syılaıdy. Sondyqtan da men osy kúndi kóktemniń shynaıy shýaǵyna baladym», degen Elbasynyń sózi keltirilgen. Basylymnyń atap ótýinshe, qazaqstandyq kásipkerler Nıderlandy Koroldiginen Qazaqstanǵa 160 mıllıon dollarǵa gúl sa­typ almaqshy eken. Sol gúlderdi óz je­ri­mizde ósirsek, osynshama qarjy ózimizde qa­lar edi. Bıznesmender sony nege oıla­maıdy? Elbasy kezdesý barysynda osyny bıznesmenderge qulaqqaǵys retinde atap ótti.

Memleket basshysynyń Qazaqstan áıelder qaýymynyń bir top ókilderimen kezdesip, kóktem merekesimen quttyqtaýy «Alash aınasy», «Aıqyn», «Astana aqshamy», «Kazahstanskaıa pravda», «Lıter» gazetterinde de jaryq kórgen maqalalarǵa arqaý bolǵan.

«Memleket basshysy Nursultan Nazarbaev Aýyl sharýashylyǵy mınıstri Aqylbek Kúrishbaevty qabyldady», dep jazady «Egemen Qazaqstan» gazeti. Mınıstr Elbasyn vedomstvo­nyń 2009 jylǵy jumys qorytyndylary men «Jańa onjyldyq - jańa ekonomı­kalyq órleý - Qazaqstannyń jańa múm­kindikteri» atty Prezıdenttiń Qazaqstan halqyna Joldaýynan týyndaıtyn aldaǵy kezeńdegi mindetter týraly habardar etken. Mınıstrlik aldynda ozyq tehnologııa men qarqyndy óndiristi qoldanýǵa baǵyttalǵan aýyl sharýashylyǵyna sýbsıdııa bólý jáne memlekettik qoldaý kórsetý tetikterin jetildirý mindeti tur.

Elbasynyń Aýyl sharýashylyǵy mınıstrin qabyldaǵanyn atap ótken «Kazahstanskaıa pravda» gazetiniń jzýynsha, áńgimelesý kezinde kóktemgi egis jumystaryna daıyndyq barysy, ınvestıtsııalyq jobalardy iske asyrý, sonyń ishinde «QazAgro» arqyly qarjylandyrý jaıy talqylanǵan. «Memleket basshysy elimizdiń azyq-túlik qaýipsizdigin qamtamasyz etý, óń­deýshi ónerkásipti júıeli damytý, agrar­lyq ǵylymdy odan ári reformalaý jó­nin­de naqty mindetter qoıdy», depti jýr­nalısterge arnalǵan brıfıngte A.Kúrish­baev.

«Egemen Qazaqstan» gazetiniń habarlaýynsha, beısenbi kúni elimizdiń Memlekettik hatshysy - Syrtqy ister mınıstri Qanat Saýdabaev Jenevadan Shveıtsarııanyń astanasy - Bern qalasyna barǵan. «Ol munda Shveıtsarııa Konfederatsııasy basshylyǵymen ekijaqty kezdesýler ótkizip, eki el arasyndaǵy kópqyrly yntymaqtastyqtyń qazirgi qadamdary men bolashaq perspektıvalary jóninde kelissózder júrgizdi», dp jazady basylym. QR Memlekettik hatshysy - Syrtqy ister mınıstriniń shet eldegi sapary jaıynda tereńirek bilgińiz kelse el gazeti «Egemen Qazaqstannyń» senbilik nómirinde jaryq kórgen «Shveıtsarııa - tıimdi ári perspektıvaly áriptes» degen maqalaǵa nazar aýdaryńyz.

***

«Alash aınasy» gazetiniń senbilik nómiri tolyǵymen aq jaýlyqty analarymyzǵa, aıdaı sulý arýlarymyzǵa, Alla qosqan adal jarlarymyzǵa arnalyp otyr. Máselen, jýrnalıst Márıám Jagorqyzynyń «Qazaqtyń kelini qandaı bolýy kerek?!» degen maqalasy oqyrmanǵa oı salýmen qatar názik jandylardy ádeptilikke, ınabattylyqqa, týra jolǵa shaqyrady.

Qazaq halqynyń ejelden kele jatqan dástúrleriniń biri qyz alyp qashý. Bul dástúrdi búginde jaqtaıtyndar da bar, dattaıtyndar da bar. Máselen, jazýshy Dıdar Amantaı «qyz alyp qashýda turǵan eshteńe joq. Ol ózimizdiń tól dástúrlerimizdiń biri», - dep ýáj aıtsa, «Rýhanııat» partııasynyń tóraıymy Altynshash Jaǵanova kerisinshe, qyz alyp qashýdy qylmys sanap, onymen kúresý kerektigin aıtady. Esimi elge belgili eki tulǵanyń oı-pikirlerin egjeı-tegjeıli oqyǵyńyz kelse «Alash aınasy» gazetiniń dástúrli «Oı kókpar» aıdarynda jarııalanǵan «Qyz alyp qashýdy dástúr emes, qylmys dep esepteý kerek pe?» degen maqalaǵa zeıin qoıyńyzdar.

***

Keshe elordadaǵy Kongress-Holl saraıynda Halyqaralyq áıelder kúnine arnalǵan saltanatty jıyn ótti. Merekelik kontsertti Elbasy Nursultan Nazarbaev arnaıy kelip, tamashalady. Osyǵan oraı «Astana aqshamy» gazetinde «Arnaımyn alǵysymdy tek ózińe» degen taqyryppen maqala basyldy. Basylymnyń jazýynsha, qyz-kelinshekter men aq jaý­lyq­ty analar aldyna shyqqan es­tra­danyń tanymal oryn­daý­shy­la­ry: QR halyq ártisi Áli­bek Dinishev jáne Lakı Kes­og­lý, Qazaq­stannyń eńbek sińirgen qaıratkeri Medeý Arynbaev, «ıAlla» ansambiliniń jetekshisi Fa­rýh Zakırov, halyqaralyq baı­qaýlar­dyń laýreaty Igor Blago­dar­nyı jáne Azamat Jyltyrkózov, «Super Star» jobasynyń jeńimpazy Almas Kishkenbaev óner kórsetken.

«Astana aqshamy» basylymynyń da senbilik nómiri tolyǵymen názik jandylarǵa arnalǵan.

***

«Aıqyn» gazetiniń dástúrli «Aq sóıle!» aıdarynyń senbilik qonaǵy - Májilis depýtaty Aıtkúl Samaqova. «Áıel bılikti qoǵamnyń ıgiligi úshin paıdalandy» degen taqyryppen jaryq kórgen ekeýara áńgime barysynda A.Samaqova basylym tilshisiniń saýaldaryna tuşymdy jaýap bergen. Suhbat barysynda ol «álemdik tájirıbe kórsetkendeı, áıelder ádette bılikti basyp alýdy emes, ony qoǵamnyń ómirin jaqsartýǵa paıdalanýdy maqsat tutatyn «izgilikti» saıasat ustanady. Sondyqtan áıelder saıasatta kóp bolǵan saıyn bizdiń balalarymyz ben nemerelerimizdiń ómiri jaqsyraq ári jaılyraq bolady» degen pikirin bildirgen.

«Qazirgi ýaqytta Gollıvýdta jumys istep júrgen belgili kınorejısser Tımýr Bekmambetov Los-Andjeles tóńireginde qazaq mádenıetiniń parkin ashpaq», dep jazady «Ekspress-K» gazeti. «Onda amerıkandyqtar kelip, qazaq úıde turyp, qymyz iship, qazaq mýzykasyn tyńdap, túrli syıkádeler satyp alýǵa múmkindik alady», depti ol qazaqstandyq basylymdardyń birine bergen suhbaty barysynda.