Qosalqy bólshek retinde ákelingen 14 654 kólik zańdastyrylǵan

ASTANA. QazAqparat – 22 mamyrdan beri shetelden qosalqy bólshek retinde rásimdep ákelingen 14 654 kólik zańdastyrylǵan. Bul týraly Ákimshilik polıtsııa komıtetiniń tóraǵasy Qaısar Sultanbaev aıtty, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngide Qaısar Sultanbaev elimizde qosalqy bólshekter retinde ákelingen kólikter máselesi bolǵanyn eske saldy. Osy máseleni sheshý úshin Úkimet qaýly qabyldaǵan bolatyn.

«Olar kedendik tazartýdan ótken joq jáne zańdastyrýǵa jiberilmedi. Úkimettiń 2023 jylǵy 9 qańtardaǵy №13 qaýlysyna ózgerister engizildi. Oǵan sáıkes 22 mamyrdan bastap konstrýktor-avtokólikterin zańdastyrýǵa ruqsat berildi. Osylaısha, búgingi tańda 14 654 avtokonstrýktor zańdastyrýdan ótti», - dedi komıtet tóraǵasy.