Qos jatyry bar áıel: AQSh-ta egizdiń syńary araǵa kún salyp týdy

«Eki múıizdi jatyr» dep atalatyn sırek kezdesetin aýytqýy bar amerıkalyq áıel eki kúnde eki ret bosandy. Bosaný uzaqtyǵy jalpy 20 saǵatqa sozyldy. Kazinform bul týraly BBC-ge silteme jasap habarlaıdy.

32 jastaǵy Kelsı Hetcher Alabama ýnıversıtetiniń Bırmıngem (UAB) aýrýhanasynda seısenbide bir qyzdy, sársenbide ekinshi qyzdy dúnıege ákeldi. 

Qyzdar egiz bolǵanymen, olardyń týǵan kúnderi sáıkes kelmeıdi. Bul óte sırek kezdesetin jaǵdaı.

17 jasynda Hetcherge onyń qos jatyry (uterus didelphys) bar ekenin aıtqan.

UAB málimeti boıynsha, bul óte sırek kezdesetin týa bitken anomalııa, áıelderdiń 0,3%-ynda kezdesedi.

UAB dárigerleriniń aıtýynsha, eki jatyrly áıeldiń júkti bolý múmkindigi óte tómen bolady.