Qos jasóspirim Rýdnyıdaǵy túzetý ortalyǵynan qashyp ketti
ASTANA. KAZINFORM — Polıtsııa qala turǵyndarynan eki jasóspirimdi izdeýge kómektesýdi suraıdy, dep habarlaıdy Kazinform tilshisi.
7 sáýirde Rýdnyı qalasynyń polıtsııasyna «Erekshe bilim berý qajettilikteri bar otbasyn qoldaý ortalyǵynda» eki tárbıelenýshiniń joǵalyp ketkeni týraly habarlama kelip tústi. 15 jáne 17 jastaǵy jasóspirimder mekemeden qashyp ketti.
— Qazirgi ýaqytta olardy izdestirýge 20 tehnıka, 53 polıtsııa qyzmetkeri, 15 erikti, sondaı-aq Rýdnyı qalasynyń turǵyndary jumyldyrylǵan. Kúni boıy qalanyń kósheleri men saıajaılary tekserildi. Qazir Qostanaı aýdanynyń jaqyn aýyldarynda izdeý jumystary jalǵasyp jatyr, óıtkeni jasóspirimderdi sońǵy ret Sergeevka jáne Konstantınovka aýyldarynda kórgen, — dep habarlady Qostanaı oblysy PD.
Polıtseılerdiń aıtýynsha, olar jaıaý júr.
Buǵan deıin 15 jastaǵy jasóspirimniń taǵy da qashqany belgili boldy.
Qostanaı oblysynyń polıtsııa departamenti kámeletke tolmaǵandardyń ornalasqan jeri týraly qandaı da bir aqparat biletinder bolsa, 102 telefonyna habarlasýǵa shaqyrady.
Osyǵan deıin Jetisý oblysynda jasóspirim 86 jastaǵy qarııany soqqyǵa jyqqany anyqtaldy.