Qos zeınetkerdi mert qylǵan qanisherler tuzaqtaldy
ASTANA. Maýsymnyń 9-y. QazAqparat /Aıdar Ospanalıev/ - Atyraý oblysynyń Qurmanǵazy aýdanyna qarasty Kotıaevka aýylynda eki zeınetkerdi qatarynan óltirdi degen kúdikpen eki azamat ustaldy,
dep habarlaıdy QazAqparat.
Іshki ister mınıstrliginiń málimetterinshe, oqıǵa mamyrdyń 26-sy kúni bolǵan. Atyraý oblysynyń Qurmanǵazy aýdanynyń Arna aýylynda bas súıegi jaraqattarynyń saldarynan mert bolǵan 85 jasar zeınetker áıeldiń máıiti óziniń úıinde tabylǵan. Sondaı-aq onyń otaǵasy da basynan alǵan jaraqattan aýrýhanada kóz jumdy.
Atalmysh áreket boıynsha júrgizilgen jedel-izdestirý sharasy barysynda saýsaq izderi boıynsha osy aýyldyń buryn aýyr qylmys jasap, sottalǵan 2 turǵyny ustalady. Olardy sol mańnan qarttar mert bolǵan kúni kórshileri kórgen.
Ustalǵan azamattar zeınetkerlerdiń úıinen aqsha izdegenderin, al qarjyny qarttar bermegen soń olardy óltirip ketkendikterin aıtqan.
