Qos Prezıdent birlesken nysandardyń qurylysyn saltanatty túrde bastap berdi

TAShKENT. QazAqparat – Qasym-Jomart Toqaev pen Shavkat Mırzıeev birlesken nysandardyń qurylysyn saltanatty túrde bastaý rásimine qatysty, dep habarlaıdy QazAqparat Aqordaǵa silteme jasap.

Memleketter basshylaryna Qazaqstan men Ózbekstan arasyndaǵy birlesken jobalardyń júzege asyrylýy jóninde egjeı-tegjeıli málimet berildi. Atap aıtqanda, Qaraǵandy oblysynda turmystyq tehnıka, Shymkentte ınfýzııalyq eritindi, Qostanaıda Chevrolet avtomobılderin shyǵaratyn joba iske qosylady.

Sondaı-aq, Ózbekstannyń Naýaı oblysynda mıneraldy tyńaıtqyshtar óndirisine, Tashkent oblysynda logıstıkalyq ortalyq pen Tashkent qalasynda turǵyn úı-kommertsııalyq ınfraqurylymynyń qurylysyna qatysty jobalar josparlanǵan.

Qasym-Jomart Toqaev pen Shavkat Mırzıeev birlesken jobalardyń tabysty júzege asýyna tilektestik bildirip, nysandardyń qurylysyn saltanatty túrde bastap berdi.

Foto: akorda.kz