Qos polıtseı kóligimen ózenge túsip ketken aqtóbelikti qutqaryp qaldy
AQTÓBE. QazAqparat - Polıtsııa qyzmetkerleri kóligimen ózenge túsip ketken Aqtóbe qalasynyń turǵynyn sýdan aman alyp shyqqan, dep habarlaıdy QazAqparat tilshisi.
Oqıǵa Aqtóbe qalasyndaǵy Sazdy ózeninde bolǵan. Osy kezde kezekshilikte júrgen mamandandyrylǵan kúzet qyzmeti basqarmasynyń eki qyzmetkeri Álibek Syrbaı men Azat Jarqynbaı shuǵyl kómekke jetken. Qos saqshy tún ortasynda sýǵa batqan kólik júrgizýshisin qutqarý úshin muzdaı ózen sýyna túsýden taıynbaǵan.
«Polıtseıler oqıǵa ornyna jedel túrde jetken. Oılanbastan muzdaı sýǵa túsip, esinen tanyp jatqan júrgizýshini jaǵaǵa alyp shyqqan. Sodan soń dereý qyzmettik kólikterimen oblystyq jedel járdem aýrýhanasyna alyp barǵan. Qala turǵyny A.Smertynıýk keıin Aqtóbe oblystyq ІІD bastyǵy Mahambet Abısatovqa alǵys hat joldady. Ol óz hatynda polıtsııa qyzmetkerleri qutqarý jumystaryn júrgizgen sátte oqıǵany ózge adamdardyń sýretke, beınege túsirip alǵanyn aıtqan», - dep habarlady Aqtóbe oblystyq ІІD baspasóz qyzmeti.
Aıta keteıik, mamandandyrylǵan kúzet qyzmeti basqarmasyna qyzmetkerlerdi marapattaý týraly hat joldandy.
