Qos ókpesi zaqymdanǵan 90 jastaǵy keıýana syrqatyn jeńip shyqty
Tynys alýy qıyndaǵan Kúlsara apamyz alǵashynda ınfektsııalyq aýyrýhananyń jansaqtaý bólimine jetkizildi. Dárigerlerdiń tekserýinen keıin qos ókpesi 70% zaqymdanǵany anyqtalyp, «pnevmonııa» dıagnozy qoıyldy.
Jansaqtaý bóliminde 3 kún emdelgen soń, «Meıirim» provızorlyq ortalyǵyna óz qalaýymen aýystyryldy. Túsken kezdegi naýqastyń jaǵdaıy aýyr bolatyn. Satýratsııasy 75% tómendegen. Dárigerlerdiń emdeý hattamasyna sáıkes der kezinde medıtsınalyq kómek kórsetip, durys júrgizilgen emdeý sharalarynyń nátıjesinde, Kúlsara Qarsybaevanyń densaýlyǵy 25 kúnde jaqsardy. Densaýlyq jaǵdaıynyń aýyrlyǵyna jáne qosymsha sozylmaly aýrýlaryna (sozylmaly holetsıstıt, pankreatıt, arterııalyq gıpertenzııa) karamastan, ájeı aýrýmen kúresip, jeńip shykty. Dárigerler onyń qazirgi jaǵdaıy jaqsy ekenin aıtady.
Іndetinen tolyqtaı saýyqqan 90 jastaǵy apamyz, «Meıirim» provızorlyq ortalyǵynyń dárigerlerine aq batasyn berip, búgin klınıkadan otbasyna oraldy.
«Meıirimdilik, mahabbat, qaıyrymdylyq, adaldyq sekildi izgilikter aq júrekten shyǵady» demekshi, óz qýanyshyn jasyra almaǵan ájemiz atyna zaty saı «Meıirim» provızorlyq ortalyǵynyń bas dárigeri Nııazkulov Ábdirahmet Ábdiqadyrulyna, bólim meńgerýshisi Erimbetova Laýra Saparǵalıqyzyna, dárigerler – Júmakúl Gúláıym Álimbaevna, Aǵabekova Gúljan Orynbasarqyzy, Túktibaeva Sáýle Aqtileýqyzy, Kemelbekov Qanatjan Saýhanbekuly, Ańdabaeva Elmıra Bahytbekqyzy jáne taǵy da basqa medıtsına qyzmetkerlerine sheksiz alǵysyn bildirdi.
«Meıirim» provızorlyq ortalyǵynyń qoly shıpaly, aq halatty abzal jandy, meıirimdi qyzmetkerleriniń eńbekterine tabys, denderine saýlyq tiledi.
Mundaı jasta indetti jeńip shyǵý – erekshe jaǵdaı.
Óz kezeginde ortalyq qyzmetkerleri Kúlsara Qarsybaevaǵa uzaq ǵumyr tiledi.