Qos mádenı jýrnal oqyrmanǵa jol tartty

ASTANA. QazAqparat - Búgin Astanada «Báıterek» halyqaralyq baspasóz ortalyǵynda «Qazaqstannyń mádenı murasy» jáne «Astana qalasynyń mádenı murasy» jýrnaldarynyń tusaýkeser rásimi ótti.

«Qazaqstan Halyqaralyq murajaılar keńesi komıteti» (IKOM Qazaqstan) 2013 jyly «Atameken» Qazaqstan kartasy» etno-memorıaldyq kesheniniń negizinde qurylǵan bolatyn. «IKOM Qazaqstan. Qazaqstan murajaılarynyń murasy» atty halyqaralyq jýrnalyn aıyna eki ret shyǵarý dep kózdelip otyr. Basylymnyń quryltaıshysy - «Atameken» Qazaqstan kartasy» etno-memorıaldyq kesheni.

Qos jýrnal da qazaq mádenıetin nasıhattap, rýhanı qundylyqtardy qoljetimdi etý, sondaı-aq el murajaılaryndaǵy jádigerlerdi shetelderge deıin tanystyrý maqsatynda shyǵarylyp otyr.

Basylymnyń tanystyrylymyna belgili qalamgerler Ákim Tarazı men Nesipbek Aıtov qatysyp, shyǵarýshylardyń ıgi isine sáttilik tiledi.