Qos qyzyn oqýǵa túsirmek bolǵan aqtóbelik sheneýnik qyzmetine qaıta oralýdy oılap otyr
AQTÓBE. QazAqparat - Qos qyzyn oqýǵa túsirmek bolǵan aqtóbelik sheneýnik qyzmetine qaıta oralýdy oılap otyr. Búgin №2 Aqtóbe qalalyq sotynda osyǵan qatysty azamattyq is qaraldy, dep habarlaıdy QazAqparat tilshisi.
Oblystyq densaýlyq saqtaý basqarmasy basshysynyń burynǵy orynbasary Almat Ermaǵambetov qyzdaryn Nazarbaev ýnıversıteti men Nazarbaev mektebine túsirmek bolyp, «Azerı Medıkal» JShS dırektory Botagóz Bıekenovaǵa 7 mıllıon teńgeden astam aqsha bergen bolatyn. Qazirgi kúni B. Bıekenova «Alaıaqtyq» baby boıynsha sot aldynda jaýap berip jatyr. Al memlekettik qyzmetkerdiń bul áreketi buqaralyq aqparat quraldary arqyly tarap, keıin isti Ádep keńesinde qaraldy. Ádep keńesiniń jumystan shyǵarý týraly uıǵarymyn oblystyq densaýlyq saqtaý basqarmasy buljytpaı oryndaǵan. Bul sheshimge aryzdanýshy Almat Ermaǵambetov kelispeı, búgin №2 qalalyq sotta azamattyq is qaraldy. Almat Ermaǵambetov jumysqa qaıta ornalasýdy talap etip otyr.
«Almat Ermaǵambetov 24- qarasha kúni aqysyz demalysqa shyǵý týraly aryz jazdy. Onyń aryzy qanaǵattandyrylǵan. Al 25- qarasha kúni Ádep keńesine shaqyrylyp, sol jerde ony jumystan shyǵarý týraly uıyǵarym beriledi. Jumystan tek basshy shyǵara alady. Sondyqtan biz Memlekettik qyzmet isteri jáne sybaılas jemqorlyqqa qarsy is-qımyl agenttiginiń, Ádep keńesin jaýapker retinde qarastyrmaımyz. Talapker Ermaǵambetov oblystyq densaýlyq saqtaý basqarmasy negizsiz jumystan shyǵardy dep esepteıdi. Sebebi, ol qyzdaryn ýnıversıtet pen mektepke túsirýge emes, arnaıy kýrstan ótýge aqsha berdi. Al ol qyzmet aqyly. Qazirgi ýaqytta onyń jubaıy bala kútimimen úıinde otyr. Tabys kózi bolmaǵan soń jumys ornyna qaıtaryp, jumystan qalǵan kúnderine aılyǵyn esepteýdi suraımyz»,- dedi qorǵaýshy Raýshan Іztileýova.
Eske sala ketsek, oblystyq densaýlyq saqtaý basqarmasy Ermaǵambetovti 6-jeltoqsan kúni jumystan shyǵaryp jibergen.
«Ermaǵambetovtyń jumys ornyn qaıtarý týraly aryzyn negizsiz dep esepteımiz. Ol oblystyq densaýlyq saqtaý basqarmasy basshysynyń orynbasary qyzmetinde 2014 jyldyń aqpanynan bastan jumys istedi. Memlekettik qyzmetker jumysqa kirisken kezde ol sybaılas jemqorlyqqa ákeletin kez kelgen isten qashyq júrýge kelisim beredi. Bul talap oryndalmaǵan. Sol sebepti Ádep keńesiniń uıǵarymy tolyq oryndalyp, ol qyzmetinen ketti», - dedi oblystyq densaýlyq saqtaý basqarmasynyń zańgeri Qýanysh Aıjigitov.
Memlekettik qyzmet isteri jáne sybaılas jemqorlyqqa qarsy is-qımyl agenttiginiń, Ádep keńesi «Memlekettik qyzmet týraly» Zańnyń «Memlekettik qyzmetshilerge qyzmettik ádepti saqtaý boıynsha qoıylatyn talaptar» babyn saqtamaǵan degen sheshimge keldi. ıAǵnı, Ermaǵambetov memlekettik qyzmetke kir keltiretindeı áreketter jasaýǵa jol bermeýi tıis edi. Bul onyń qolynan kelmeı, qylmystyq iste 7 mıllıon teńgeni daýlap otyr. Aıta keteıik, Almat Ermaǵambetov qazirgi kúni eki is boıynsha sotta jaýap beredi. Birneshe adamdy aldap, 17 mıllıon teńgeden astam aqshany jymqyrǵan Botagóz Bıekenovanyń isinde ol jábirlenýshi. Azamattyq iste ol talapker.
