Qos qazaqstandyqtyń esimi Kúrestiń dańq zalyna máńgilikke jazyldy
ASTANA. QazAqparat - Shveıtsarııada ornalasqan FILA-nyń shtab-páterindegi Kúrestiń dańq zalyna qos qazaqstandyqtyń esimi jazyldy, dep habarlaıdy sports.kz.
Mundaı ataqqa Vadım Psarev pen Jaqsylyq Úshkempirov laıyq dep tabylypty. Bul Tashkentte ótken FILA kongresi kezinde belgili boldy.
Aıta keteıik, dańqty qazaqstandyq jattyqtyrýshy Vadım Psarevtiń shákirtteri halyqaralyq deńgeıdegi 100-ge jýyq marapatqa ıe bolǵan. Solardyń ishinde eń joǵary dárejege jetken - olımpıadanyń eki dúrkin chempıony Valerıı Rıazantsev boldy.
Sondaı-aq, bul tizimge qazaqtan shyqqan tuńǵysh olımpıada chempıony Jaqsylyq Úshkempirov te qosyldy. Ol 1980 jylǵy olımpıadada bolgarııalyq Pavel Hrıstovty 12:7 esebimen utyp, ultynyń dańqyn asqaqtatqan bolatyn. Onyń erligin osy kúnge deıin eshkim qaıtalaı almaı keledi.
