Qos eldiń azamattyǵyn alatyn qazaqstandyqtar kimder
ASTANA. QazAqparat - Eki eldiń azamattyǵy bolǵan qazaqstandyqtardyń basym bóligi qarapaıym adamdar. Bul týraly búgin Májilistegi Úkimet saǵatynan keıin BAQ ókilderine suhbat bergen QR ІІM Kóshi-qon komıtetiniń basqarma bastyǵy Sabyrjan Seıitjanov aıtty, dep habarlaıdy QazAqparat.
«Ózderińiz jaqsy bilesizder, Ata Zańymyzǵa sáıkes eki eldiń azamattyǵyn moıyndamaımyz. Eki azamattyǵy bolǵandardyń kópshiligi burynǵy qazaqstandyqtar. Olar Qazaqstan azamattyǵynan shyqpastan basqa eldiń azamattyǵyn qabyldaǵan. Biz atalǵan adamdardy anyqtadyq jáne olardyń ústinen QR Ákimshilik quqyq buzýshylyq týraly zańynyń 496-baby boıynsha ákimshilik is qozǵap, aıyppul tólettik. Qazaqstan azamattyǵynan aıyrdyq. Olar qarapaıym adamdar, kópshiligi Reseı sekildi kórshi elderdiń azamattary. Sonymen qatar Germanııa azamattary da bar», - dedi ol.
Aıta keteıik, Úkimet saǵatynda Májilis depýtaty Nurlan Ábdirov 2017 jyly qos azamattyǵy bar 600-ge jýyq qazaqstandyq anyqtalyp, jaýapkershilikke tartylǵanyn aıtqan edi.
