Qos boıjetken traktor dóńgeleginiń astyna tústi - ekeýi de aýyr halde aýrýhanada jatyr
ASTANA. QazAqparat - Belarýs eliniń Grodno qalasynda eki boıjetken traktor dóńgeleginiń astyna tústi, dep habarlady BELTA agenttigi Grodno oblystyq atqarý komıtetiniń ІІB silteme jasap.
26 mamyr kúni tańǵy saǵat 8-diń shamasynda 1988 jáne 1987 jylǵy eki boıjetken Gorkıı kóshesi men Bogýtskıı kóshesiniń qıylysyndaǵy jaıaý júrginshilerge arnalǵan jolmen ótip bara jatqan. Tap sol shaqta kógalshapqyshy bar traktor qıylystan óte bere kúrt burylady. Shamasy traktorshy olardy baıqamaǵan. Ázirge bireýiniń traktor dóńgeleginiń astynda qalǵany belgili bolyp otyr. Zardap shekken qyzdar aýyr jaǵdaıda aýrýhanaǵa jetkizildi.
Grodno oblysy boıynsha Tergeý komıteti basqarmasynyń resmı ókili Sergeı Shevchenkonyń aıtýynsha, mehanızatorǵa qatysty qylmystyq is qozǵaldy. Tergeý amaldary júrgizilip jatyr. Sot-medıtsınalyq, avtotehnıkalyq jáne basqa da saraptamalar taǵaıyndaldy.
