Qos birdeı qazaqstandyq balýan grek-rım kúresinen álemdik reıtıngte kósh bastady
ALMATY. QazAqparat - Birikken kúres álemi (UWW) eresekter arasynda grek-rım kúresinen jańartylǵan álemdik reıtıngin jarııalady, dep habarlaıdy QazAqparat tilshisi.
Málimetke saı, 67 jáne 87 kelige deıingi salmaqta sáıkesinshe Almat Kebispaev pen Hýseın Mýtsolgov (52 jáne 37 upaımen) kósh bastap tur. Sondaı-aq, 55 jáne 72 kelige deıingi salmaqta Horlan Jaqansha jáne Demeý Jadyraev atty jerlesterimiz ekinshi tur.
Kúrestiń basqa túrlerinde óner kórsetip júrgen qazaqstandyqtar da jańartylǵan reıtıngke ilingen. Máselen, erkin kúres sheberi Nurıslam Sanaev (3 oryn, 24 ball, 61 kg deıingi salmaq), Daýlet Nııazbekov (4 oryn, 26 ball, 65 kg deıingi salmaq), sondaı-aq Elmıra Syzdyqovalar (4 oryn, 28 ball, 76 kg deıingi salmaq) úzdikter qatarynan kóringen.
