Qos azamattyq faktilerine qarsy zańnama kúsheıtilip jatyr – mınıstr

ASTANA. QazAqparat – Ekonomıkamyzǵa paıdaly mamandarǵa turaqty turý ruqsaty ońaı tártippen beriledi. Bul týraly Úkimet otyrysynda Kóshi-qon saıasaty tujyrymdasyn iske asyrý barysyn talqylaý kezinde Іshki ister mınıstri Marat Ahmetjanov aıtty, dep habarlaıdy QazAqparat tilshisi.

«Іshki ister mınıstrligi – kóshi-qon saıasaty tujyrymdamasynda birqatar is-shara boıynsha negizgi oryndaýshy. Birinshiden, elimizde turaqty turý ruqsatyn berýge toqtalsaq, mundaı ruqsat elimizge, ekonomıkamyzǵa paıdaly mamandarǵa ońaı tártippen beriledi. Mysaly, IT-mamandaryna, ǵylym, densaýlyq jáne óndiris salasynyń kásibı sheberleri eskerilgen. Ekinshisi másele – ol vıza alýdy jeńildetý. Bul túzetý elimizdiń ekonomıkasyna 300 myń AQSh dollarynan artyq ınvestıtsııa salǵan sheteldikterge qatysty bolady», - dedi M. Ahmetjanov.

Sonymen qatar ol tujyrymdama aıasynda azamattyq týraly zańnamany jetildirý baǵytyna toqtaldy.

«Qazaqstan azamattyǵyn alý shartynyń biri –memlekettik tildi, tarıhty jáne Konstıtýtsııany qarapaıym deńgeıde bilý. Ol bizdiń mádenıet pen dástúrdi tanýǵa, ıaǵnı qoǵamǵa qınalmaı beıimdelýge múmkindik beredi», - dedi mınıstr.

«Budan basqa, qos azamattyq faktilerine qarsy zańnamany kúsheıtý josparlanyp otyr. Eger Qazaqstan azamaty basqa eldiń azamattyǵyn rastaıtyn qujatty alsa nemese paıdalansa, onda bizdiń azamattyqtan dereý shyǵarylady. Qazir zańnamada mundaı sharalar qarastyrylmaǵan. Sondyqtan bul joba men tıisti túzetýlerdi Úkimet jáne Prezıdent Ákimshiligi maquldady. ıAǵnı kóshi-qon salasyndaǵy zań jobasyna engizildi (Parlament Májilisinde)», - dedi vedomstvo basshysy.