Qos azamattyǵy bar Pavlodar turǵyny elden shyǵaryldy

NUR-SULTAN. QazAqparat – Pavlodar oblysynda turatyn qos azamattyǵy bar áıel elden shyǵaryldy, dep habarlaıdy QazAqparat Polisia.kz saıtyna silteme jasap.

Sharbaqty aýdanynyń polıtseıleri Qazaqstan Respýblıkasynyń zańnamasynda belgilengen merzimde shetel azamattyǵyn alý faktisin habarlamaý faktisin anyqtady.

«Qazaqstan Respýblıkasynyń azamaty, 57 jastaǵy áıel Reseı Federatsııasynyń azamattyǵyn alǵan, biraq qoldanystaǵy zańnamada belgilengen merzimde sheteldik azamattyǵyn alǵany týraly habarlamaǵan. Shetel azamatshasyna qatysty QR ÁQBtK 496-babynyń 2-bóligi boıynsha ákimshilik is qozǵalyp, sotta qaraldy. Sot qaýlysymen áıeldi elden shyǵarý týraly sheshim qabyldandy», - dedi Pavlodar oblysy Sharbaqty aýdany polıtsııa bóliminiń bastyǵy Nurǵalı Omarbekov.

Polıtsııa málimetinshe, bıyl osyndaı zań buzýshylyqtar úshin 158 adam ákimshilik jaýapkershilikke tartylǵan.