Qos azamattyǵy bar ıtalııalyq Qazaqstannan qýyldy

QOSTANAI. QazAqparat — Qostanaı oblysynda Italııa azamatshasy elden qýyldy. Sebebi - qos azamattyq, dep habarlaıdy QazAqparat tilshisi.

Qostanaı oblystyq polıtsııa departamentiniń málimetinshe, belgilengen merzimde habarlamaǵany jáne el azamattyǵyn joǵaltqan adamdardyń Qazaqstan azamatynyń qujattaryn paıdalanǵany úshin úlken aıyppul men jaýapkershilikti qatańdatqanyna qaramastan, mundaı faktiler áli de bar.

«Mysaly, 2022 jyldyń qazan aıynda oblys ortalyǵynyń aýmaǵynda kóshi-qon qyzmetiniń qyzmetkerleri 2017 jyldan bastap azamattyq salasyndaǵy zańnamany buzǵan Italııa azamatyn anyqtady, - dedi Qostanaı oblysy PD Kóshi-qon qyzmetiniń bastyǵy Qaırat Dútpaev. — Qazaqstan Respýblıkasy azamatynyń shetel azamattyǵyn alý faktisi týraly belgilengen merzimde habarlamaýyna baılanysty osy jyldyń 4 qarashasynda Qostanaı qalasynyń ákimshilik ister jónindegi mamandandyrylǵan soty Italııa azamatyn ákimshilik jaýapqa tartyp, Qazaqstannan shyǵaryp jiberý túrindegi jaza qoldanyldy».

Vedomstvoda azamattar ózge memlekettiń azamattyǵyn alǵan sátten bastap kúntizbelik 30 kún ishinde QR Іshki ister organdaryn nemese sheteldik mekemelerdi zańnamalyq turǵydan habardar etýi qajet ekenin eske saldy.

2022 jyldyń 10 aıynda osyndaı quqyq buzýshylyq úshin 56 adam ákimshilik jaýapqa tartyldy, onyń 12-si QR aýmaǵyna 5 jyl boıy kirý quqyǵyn shekteı otyryp, elden shyǵaryldy.