Qos azamattyǵy bar eki kelinshek Qazaqstannan shettetildi
ASTANA. QazAqparat - Almaty áýejaıynda Qazaqstan zańyn buzǵan Túrkııanyń eki azamatshasy ustaldy, dep habarlady «QazAqparat» HAA Kóliktegi ІІD-niń baspasóz qyzmetine silteme jasap.
«Almaty áýejaıyndaǵy Іshki ister jelilik bóliminiń qyzmetkerleri Qazaqstan Respýblıkasynyń azamattyǵy týraly zańnamany buzǵany úshin «Kıev-Almaty» reısimen ushyp kelgen 44 jastaǵy Túrik azamatshasyn ákimshilik jaýapkershilikke tartty.
Kólik polıtseıleri oǵan qatysty QR ÁQtK 496-baby 2-bóligi boıynsha ákimshilik hattama toltyrdy. Almaty mamandandyrylǵan aýdanaralyq ákimshilik sotynyń qaýlysymen joǵaryda aıtylǵan azamatsha elden shettetildi», - dep habarlady kóliktegi ІІD-den.
Departamenttiń aqparatyna sáıkes sol kúni Almaty áýejaıyna qonǵan «Ystanbul-Almaty» reısinen jelilik ІІB qyzmetkerleri osyndaı zań buzýshylyq jasaǵany úshin 1981 jylǵy Túrkııanyń taǵy bir azamatshasyn jaýapkershilikke tartty.
Almaty qalasy mamandandyrylǵan aýdanaralyq ákimshilik sotynyń qaýlysymen ustalǵan áıel Qazaqstannan shyǵarylyp jiberildi.
Eske salsaq, jyl basynan bastap QR ІІM Kóliktegi ІІD ýchaskesinde eki eldiń azamattyǵy bar 58 adam ákimshilik jaýapkershilikke tartylǵan.
