Qos azamattyǵy anyqtalǵan tulǵa memlekettik qyzmetten birden shettetilýi tıis - Memlekettik qyzmet isteri agenttiginiń tóraǵasy

Bul týraly búgin Májiliste «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasyn talqylaý barysynda Memlekettik qyzmet isteri agenttiginiń tóraǵasy Álıhan Báımenov málim etti.

Talqylaý barysynda depýtat Raýan Shaekın jobadaǵy memlekettik qyzmetkerlerge qoıylatyn talaptarǵa toqtala kele, qos azamattyq máselesine de nazar aýdarǵan bolatyn.

«Bizdiń zańymyzǵa sáıkes basqa eldiń azamattyǵyn alǵan tulǵaǵa Qazaqstan azamattyǵy birden toqtatylady. Alaıda, tájirıbe júzinde bizdiń elimizde qos azamattyq alyp memlekettik qyzmetti atqaryp júrgen tulǵalar bar jáne olardyń basym bóliginiń Reseı azamattyǵyn alǵany aıtylady. Tipti bul keıde memlekettik qupııa sanalyp ta jatady. Sondyqtan osy máselege qaralyp otyrǵan zań jobasy arqyly naqty shekteý bola ma?»,-dep surady R. Shaekın.

Óz kezeginde agenttik tóraǵasy Á. Báımenov qos azamattyqtyń konstıtýtsııamen tyıym salynǵanyn  aıtty.

«Al, bizdegi basty problema memlekettik organdar arasyndaǵy aqparat almasýǵa qatysty sekildi. Óıtkeni, shetelderdiń barlyǵy birdeı bizdiń azamattarymyzdyń olardyń azamattyǵyn alǵany týraly aqparat usyna bermeıdi. Keıbir elderde qos azamattyq quptalady. Sondyqtan, memlekettik organdarda qyzmet etetinder arasynda qos azamattyǵy anyqtalǵan tulǵa birden shettetilýi kerek. ıAǵnı, qos azamattyq alǵan memlekettik qyzmetshi konstıtýtsııaǵa jáne osy zań jobasynyń normasyna qaıshy keletindikten birden qyzmetten shettetilýi shart»,-dedi Á. Báımenov.