«Qorymdy qorlaǵandarǵa úkim shyqty»-respýblıkalyq basylymdarǵa sholý

ASTANA. 28 maýsym. QazAqparat - Qazaq aqparat agenttigi respýblıkalyq basylymdarda 28 maýsym, seısenbi kúni shyqqan ózekti materıaldarǵa sholýdy usynady.

Búgin «Egemen Qazaqstan» gazetinde «Islam álemi jáne qazaqstandyq úderis» degen taqyryppen maqala basyldy. «Islam konferentsııasy uıymyna (IKU) tóraǵalyq bıyl Qazaqstanǵa ótpek. IKU - ıslam memleketteriniń halyqaralyq odaǵy 1969 jyldyń 25 qyrkúıeginde qu­ryl­ǵan. Uıym 57 memleketten turady, qazirgi ýaqytta óziniń quramy jóninen BUU-dan keıingi ekinshi oryndaǵy eń iri uıym. Qazaqstan IKU-ǵa 1995 jyldan bastap múshe. Osy kúnderi Astanada ótip jatqan IKU Syrtqy ister mınıstrleri keńesinde dúnıeni dúr silkindirgen arab álemindegi qaqtyǵystar jáne ony sheshý joldary nazarda bolary daýsyz», - delingen maqalada.

«Qazaqstanda 1 tamyzdan bastap baılanys operatorlary úshin Internet tarıfi orta esep­pen eki esege arzandaıdy. Bul jóninde Twitter-degi jeke paraǵynda Baı­la­nys jáne aq­pa­rat mınıstri Asqar Juma­ǵalıev málimdedi», - delingen «Egemen Qazaqstan» gazetiniń búgingi nómirindegi «Eki ese arzandaıdy» degen taqyryppen berilgen maqalada. A. Ju­maǵalıevtyń aıtýynsha, «Qazaqtelekom» 1 shildeden bas­tap Megaline tarıftik jobalary­nyń jyldamdyǵyn arttyrady. Al 1 tamyzdan bastap baılanys ope­ratorlary úshin Internettiń shekti tarıfteri orta eseppen eki esege arzandatylatyn bolady.

***

«Keńestik kezeńde Reseıge uzaq jylǵa jalǵa berilgen Taısoıǵan áskerı synaq alańy aýdannyń eń shuraıly aýmaǵynda ornalasqan. Aýdannyń shuraıly jerin alǵan reseılikter sol jyldary aýyl turǵyndarynyń shyraıyn da birge áketti... Bir jyldyń ishinde birneshe zymyrannyń qaldyqtary qulap, tereńdigi bes júz metrge deıin jetken áskerı synaqtyń zardaby kúni búginge deıin turǵylyqty jerdegi adamdardyń densaýlyǵy men tórt túlik malǵa zardabyn tıgizip otyrǵany osynyń aıqyn dáleli». Osy aıtylǵan máselemen tanysqyńyz kelse «Aıqyn» gazetiniń búgingi nómirinde jarııalanǵan «Taısoıǵan turǵyndary zymyrannyń zardabyn tartyp otyr» degen taqyryppen berilgen maqalaǵa kóz júgirtińiz.

«Qorymdy qorlaǵandarǵa úkim shyqty». «Aıqyn» gazetiniń búgingi sanynda osyndaı taqyryppen maqala basyldy. «Atyraýda zırattardy qıratyp qana qoımaı, jerlengen máıittiń janyna jatyp, ólim men o dúnıeniń jumbaǵyn sezinbekshi bolǵandarǵa qatysty qozǵalǵan qylmystyq is sotqa jetip, úkim shyqty», - delingen maqalada.

***

«Alash aınasy» gazetiniń búgingi nómirinde «Ortasha ómir súrý jasymyz ortashaǵa jetpeı tur» degen taqyryppen maqala basyldy. Maqalada Qazaqstan halqynyń ortasha ómir súrý uzaqtyǵyn basqa eldermen salystyrý «uıattylaý» ekendigi aıtylady. «QR Statıstıka agenttiginiń málimetterine súıensek, 2009 jyly qazaqstandyqtardyń ortasha ómir súrý uzaqtyǵy boıynsha kútilgen kórsetkish 68,6 jas bolsa, 2010 jyly 68,41 jas bolǵan. Alaıda, shyndyǵynda, bul kórsetkish 67,87 jasty quraǵan. Nátıjesinde elimiz ómir súrý uzaqtyǵynyń deńgeıi boıynsha álem elderiniń arasynda 152-orynda tur», - delingen maqalada.

«Alash aınasynyń» búgingi sanynda sondaı-aq «Shoqaıdyń Shıeli men Berlınge deıingi taǵylymy jaryq kórdi» degen taqyryppen maqala basyldy. «Almatyda Alash arystarynyń biri, qazaqtan shyqqan saıası emıgrant Mustafa Shoqaıdyń ómir joly, eńbegi, tarıhı murasy, ómir súrgen dáýiri týraly «Mustafa Shoqaıdyń jolymen» atty derekti fılmniń tusaýkeser rásimi ótti», - delingen maqalada.

***
«Kazahstanskaıa pravda» gazetiniń jazýynsha, keshe Elbasy Nursultan Nazarbaev Astanadaǵy «Grand Astana» turǵyn úı kesheni men sol jaǵalaýdaǵy «BI Village» kottedjdi turǵyn úıler alabyn aralady. Prezıdent prob­le­malyq nysandardyń quryly­sy­men jáne «AQQB «Jańa qu­rylys» JShS úleskerlerdi tur­ǵyn úılermen qamtý barysymen tanysty. Elba­sy «Qýat» qu­ry­lys korporatsııasy bastap salǵan úılerdegi úles­ker­ler ózderine tıisti úılerdi ala­tynyna kózi jet­kenin atap ótken.