«Qoryqtar týraly arnaıy zań qajet» - respýblıkalyq basylymdarǵa sholý

ASTANA. 11 shilde. QazAqparat - Qazaq aqparat agenttigi respýblıkalyq basylymdarda 11 shilde,sápsenbi kúni shyqqan ózekti materıaldarǵa sholýdy usynady.

 

 ***

Osy kúnderi Saha Respýblıkasynyń ıAkýtsk, Mırnyı jáne Nerıýngrı qalalarynda «Azııa balalary» atty V halyqaralyq sporttyq oıyndar ótýde. Oǵan 27 elden kelgen 2000 sportshy baq synasýda. Qazaqstannan barǵan 80 jas sportshy jarys baǵdarlamasyndaǵy 20 oıyn túriniń 15-ine qatysýda. Oıyndar 15 shildege deıin jalǵasady. «Qazaqstan delegatsııasy 140 jolaýshymen 4 shilde kúni tańda Almaty-Abakan-ıAkýtsk charterlik saparymen ushyp keldi. Qazaq­standyqtardy qalyptasqan dás­túr boıynsha án-bı, nan-tuzben jáne qymyzben qarsy aldy. Saha Respýblıkasynda 500-den asa qazaq dıasporasy turady eken, olar ulttyq dástúrdi usta­nady. Qymyzdy da daıyndaǵan osy qandastarymyz bolsa kerek. Qazaq dıasporasy árqashan bizdiń sportshylardy qoldaýda belsen­dilik tanytady. Osy tórt jyl­dyqtaǵy oıyndardan da olar tysqary qalǵan emes»,-dep jazady  «Egemen Qazaqstan» basylymynyń búgingi sanynda «Azııa balalary»: Jeti altyn júlde» atty taqyrybymen berilgen maqalasynda.

Japonııa Premer-mınıstri Esıhıko Noda men Aýǵanstan Islam Respýblıkasynyń prezıdenti Hamıd Karzaıdyń tóraǵalyǵymen jáne BUU Bas hatshysy Pan Gı Mýn men 56 elden kelgen joǵary dárejeli ókilderdiń jáne 26 halyqaralyq uıymdardyń qatysýymen Tokıoda Aýǵanstan boıynsha halyqaralyq konferentsııa bolyp ótti.  Qazaqstan Respýblıkasynyń Syrtqy ister mınıstri Erjan Qazyhanovtyń atynan sóz sóılegen onyń orynbasary Qaı­rat Sarybaı forýmǵa qaty­sý­shy­lardy Qazaqstan Úki­metiniń Aýǵan­stan úkimetimen gýmanıtar­lyq salada ózara is-qımyl sharalary, Aýǵanstan halqyna kór­se­tilip jatqan kómektiń sıpaty men kólemi týraly habardar etti. Onyń ishinde aýǵan azamattaryn 2012-2018 jyldar kezeńinde Qa­zaqstan JOO-larynda oqytý jó­nindegi arnaıy baǵdarlamanyń ta­bysty júzege asyrylyp jat­qany atap aıtyldy. Qazaqstan jol, mektep, aýrýhana men kópirler qurylystaryn qosa alǵanda, Aýǵanstannyń áleý­mettik ınfraqurylymdaryn damytý úshin aıtarlyqtaı qar­jylaı kómek kórsetti, azyq-túlik berý máselesi de júzege asyrylý ústinde, dedi Q.Sarybaı. Bul týraly «Egemen Qazaqstan» basylymy «Aýǵanstanǵa arnalǵan konferentsııa» aqparatynda jazdy.

  ***

Tumsa tabıǵattyń tylsym qubylystarynyń mekeni - qoryqtar ár sát saıyn ózgeriske túsip, adamnyń beı-bereket áreketinen jón-josyqsyz paıdalanylyp kele jatqanyn árkim biledi. Biraq jyldan-jylǵa órken jaıyp ósýdiń ornyna óshkeli jatqan tylsym dúnıeni qalpyna keltirý máselesin estir qulaq tabylmaı turǵandaı kórinedi. Qara aspandy tóndirýdiń basty sebebi Qazaq eliniń barsha qoryqtarynyń aldynda turǵan ótkir jaǵdaı bolyp otyr. Bul másele «Alash aınasy» basylymynyń búgingi sanynda «Qoryqtar týraly arnaıy zań qajet» atty taqyryppen jarııalanǵan maqalada kóterildi.

Sondaı-aq osy basylymnyń búgingi sanynda «Asqatyq maıdy alystan arbalaı beremiz be?» atty taqyryppen maqala jaryq kórdi.  «Kúndelikti as daıyndaýǵa maqsary maıy, kúnbaǵys maıyn paıdalanatynymyz belgili. Asqatyq maıdyń aralaspaıtyn jeri joq. Taǵamdy onsyz dámdi etip pisirý de múmkin emes. Dúken sórelerinen «Qazaqstanda jasalǵan» ónimdi alaıyn deseń, keıde emge taptyrmaıtyny bar. Esesine, reseılik «donıa-ponıalardan» kóz tunady.... Otandyq ónimderdi ysyryp qoıyp, ózgenikine ólermendenetinder de joq emes»,-dep jazady basylym. Osy kúndelikti tutynatyn ónim turǵysynda kóterilgen másele jaıynda tolyǵyraq bilgińiz kelse, osy maqalany oqyńyz.

 ***

«Aıqyn» basylymynyń jazýynsha, Aqtaý qalasynda tolassyz  nóser jaýyp, qala ishindegi kólik pen júrginshiler joldaryna sý tolyp qaldy. Kútpegen jaýynnan kóptegen jeńil avtokólikter turyp qalyp, jaıaý júrginshiler sý keship biraz ábigerge tústi. Mamandardyń aıtýynsha, Aqtaý qalasynda 64 jańbyr sýy aǵyp ketetin káriz bar. Alaıda bul qalaǵa jetkiliksiz. Bul týraly «Aıqyn» basylymynyń búgingi sanyndaǵy «Aq jańbyr ábigerge túsirdi» atty maqaladan oqyńyzdar.

***

Ázerbaıjan Prezıdenti Ilham Álıev Londondaǵy oıyndarǵa daıyndalyp jatqan eliniń olımpıadalyq quramasymen kezdesý barysynda Tumandy Albıonda jeńiske jetken sportshylarǵa tólenetin qarjy jaıynda aıtty. Atap aıtqanda, bıylǵy Olımpıada saıystarynda «altynǵa» qol jetkizgen sportshy prezıdentten 520 myń AQSh myń dollaryn, sondaı-aq onyń ústine qosymsha 260 myń dollardy Ázerbaıjannyń ulttyq olımpıadalyq komıtetinen alady. «Ekspress K» tilshileri Londondaǵy dodada jeńiske jetken jaǵdaıda birqatar elder ózderiniń sportshylaryna qansha qarjy tóleıtinin zerttegen kórinedi.  Materıal «Ý medalı dve storony» atty taqyryppen basylǵan.