Qoryqshylardyń kóligi arnaıy sanatqa engiziledi
«Mınıstrlik jaýapty memlekettik organdarmen birge qazirgi ýaqytta qoryqshylar men olardyń otbasy músheleriniń, onyń ishinde qaza bolǵan nemese qyzmettik mindetin oryndaý kezinde jaraqat alǵan jaǵdaıda beriletin áleýmettik kepildikterdi qarastyryp jatyr. Bizdiń bastamamyz boıynsha, Іshki ister mınıstrliginiń qoldaýymen jol erejelerine ózgerister engizilýde. Naqtyraq aıtqanda, «Ohotzoprom» men onyń óńirlerdegi ókildikteriniń qyzmettik kólikterin «arnaıy kólik» sanatyna jatqyzyldy. ıAǵnı, ınspektorlardyń kólikterine dybys údetkish qurylǵy men arnaıy sıgnal ornatylyp, tsvetografııalyq shemalar, basqasha aıtqanda avtokólikte jolaqtar paıda bolady», - dedi Maǵzum Myrzaǵalıev vedomstvoda ótken alqa otyrysta.
Mınıstr sonymen birge Ekologııa, geologııa jáne tabıǵı resýrstar mınıstrligi ІІM-men birlesip, «Ohotzopromnyń» ınspektorlyq quramy úshin praktıkalyq jáne teorııalyq jattyǵýlar baǵdarlamasy boıynsha oqý-jattyǵýdy qolǵa alǵanyn habarlady.
«Tamyz aıynda tıisti oqý-jattyǵý jumystary júrgizildi. Bul jumys jalǵasyn tabady», - dedi Maǵzum Myrzaǵalıev.
Eske sala ketsek, Maǵzum Myrzaǵalıev buǵan deıin Qazaqstanda brakonerlikpen kúresti kúsheıtý jónindegi zańnamalyq normalar Parlamentke osy aıda engiziletinin habarlaǵan bolatyn.
