Kórý qabileti, semizdik jáne júıke júıesi: qazaqstandyq oqýshylardy ne mazalaıdy

ASTANA. QazAqparat – Densaýlyq saqtaý vıtse-mınıstri Vıacheslav Dýdnık otandyq oqýshylardyń densaýlyǵyna qatysty basty patologııalardy atady, dep habarlaıdy QazAqparat tilshisi.

«Mektep oqýshylary elimizdegi barlyq balalardyń jartysyna jýyǵyn quraıdy. Sondyqtan mektep medıtsınasy biz úshin mańyzdy. Ár mektep ornalasqan aýmaǵynda qyzmet kórsetetin emhanaǵa bekitilgen. Búgingi tańda mektepterde 6 500 medıtsınalyq pýnkt jumys istep tur. Olarda 7 myńǵa jýyq mektep medbıkesi eńbek etip jatyr», - dedi Vıacheslav Dýdnık ortalyq kommýnıkatsııalar qyzmeti alańynda ótken brıfıngte.

Sondaı-aq, vıtse-mınıstr mektep oqýshylarynyń densaýlyǵyna qatysty patologııalardy atady.

«Oqýshylar arasyndaǵy birinshi másele kórý qabiletiniń buzylýy, ekinshi kezekte ortalyq júıke júıesiniń patologııasy, al úshinshi orynda denesin tik ustaý máselesi. Semizdikte oqýshylar arasynda mańyzdy másele bolyp otyr. Densaýlyq saqtaý mınıstrligi tátti ári gazdalǵan sýsyndarǵa aktsızdi arttyrýdyń bastamashysy. Atalǵan sýsyndarda qant kontsentratsııasy óte joǵary. Bul balalardyń densaýlyǵyna qaýipti, ol qant dıabeti men semizdikke shaldyǵýǵa alyp keledi», - deıdi ol.